Pas përfundimit të fjalimeve para Kryeministrisë, protestuesit kanë rinisur marshimin në rrugët e Tiranës, në vijim të protestës së 111-të kundër qeverisë së Edi Ramës.

Gjatë fjalimeve, protestuesit kanë përsëritur akuzat dhe kritikat ndaj qeverisë, ndërsa kanë kërkuar dorëheqjen e panegociueshme të kryeministrit Edi Rama.

Pas përfundimit të tubimit, qytetarët kanë marrë sërish rrugët e kryeqytetit, duke vijuar marshimin dhe thirrjet kundër qeverisë.

“Rama, jepe dorëheqjen!”dhe “Arrestoni Ramën!” është një prej thirrjeve që shoqëron protestuesit gjatë marshimit.