Luis de la Fuente e ka publikuar listën e Spanjës për Ligën e Kombeve, të premten.
Ai e ka bërë këtë nga Ceuta, në shenjë përkrahjeje të qytetit spanjoll në Afrikën veriore, që është bërë qendër e krizës së emigrimit.
Në fund të korrikut, 70 mijë persona e kaluan kufirin nga Maroku, ndërsa mbi 100 prej tyre humbën jetën në kaosin e krijuar. Shumë prej njerëzve u kthyen shpejtë, por mijëra mbetën në qytetin që ka afro 80 mijë banorë.
“Kjo është Ceuta, është Spanjë”, ka thënë De la Fuente.
Spanja e hap Ligën e Kombeve ndaj Anglisë në “Wembley” më 26 shtator, ndërsa në fanellë spanjollët do t’i kenë dy yje, si shenjë e triumfit të dyfishtë në Kupë të Botës.
Më 29 shtator, Spanja e pret Kroacinë, ndërsa ndaj Çekisë përballet më 3 tetor. Udhëton në Kroaci më 6 tetor.
Edhe
De la Fuente viziton në Madrid të prekurit nga zjarret
De la Fuente nuk ka bërë shumë ndryshime në listë. Është thuajse ekipi i njëjtë që e fitoi Botërorin.
Portieri i Interit, Josep Martinez, e zëvendësoi Joan Garcian e Barcelonës, që ka telashe me gju.
Mbrojtësi i Real Madridit, Dean Huijsen është në vend të Marcos Llorentes, i cili është pensionuar nga përfaqësuesja. Fermin Lopezi e ka zëvendësuar Gavin, ndërsa Roberto Fernandez i Espanyolit është ftuar për herën të parë. E ka zëvendësuar Borja Iglesiasin.
