Maran tregon përse la jashtë Brojën dhe Bajramin

Trajneri Rolando Maran, foli në konferencë, pas publikimit të listës së Kombëtarës.

“Tani janë kushte të tjera që mund të ndikojnë në bërjen e listës. Për të bërë listën, jam fokusuar te monitorimi dhe tek ajo që kam parë në javët e fundit.

Berisha ka treguar se ka cilësi të mira si portier dhe duke u ndikuar nga dëmtimi i Strakoshës, mora portierët më të mirë në gjendje. Për Brojën dhe Bajramin, kam vlerësuar kushtet e përgjithshme. Kombëtarja nuk është portë që mbyllet, por këto janë zgjedhjet e mia.

Sa i përket Kerjotës, e kemi vëzhguar që nga sezoni i kaluar. Ka karakteristika që e ndihmojnë skuadrën. E vështirë dhe e lodhshme të ndjekësh lojtarët në kampionate të ndryshme. Doja ta shihja nga afër. Sina është lojtar që është vënë në evidencë dhe ka qenë protagonist. Në mbrojtje mund të kemi disa vështirësi. Të shohim nëse mund të vazhdojë me ne, apo të vazhdojë te U-21.”