Ministri i superskandaleve, pagesa mbi 76 milionë lekë për Gjykatën Ndërkombëtare të Arbitrazhit në Paris

Gazetari Basir Çollaku ka bërë me dije se ministri i superskandaleve i qeverisë Rama, Blendi Gonxhja, njeriu që përmbyti Tiranën, ka kryer dy pagesa për Gjykatën Ndërkombëtare të Arbitrazhit në Paris.

Çollaku nënvizon se sipas Thesarit, me 4 gusht 2026 Ministria e Turizmit, Kulturës, Rinisë dhe Sporteve ka paguar 57 milionë e 789 mijë e 600 lekë (të rinj sigurisht), për “paradhënie për kostot e tarifave të Tribunalit, case 29714/ICA7”.

ICA7 është “njësia 7, e cila trajton mosmarrëveshjet komplekse dhe të komplikuara në Gjykatën Ndërkombëtare të Arbitrazhit në Paris”. 29714 është numri i dosjes gjyqësore, por kërkimi konkret në faqen e Gjykatës, thotë “Konfidencial”.

Sipas thesarit në të njëjtën ditë, ministria e Gonxhes ka bërë një transfertë të dytë, 18 milionë e 863 mijë e 772 lekë të rinj për pagesë shpenzime arbitrazhi për shërbime ligjore. Pra, në total 76 milionë e 653 mijë e 372 lekë të rinj brenda një dite.

“Gonxhja dy pagesa për Gjykatën Ndërkombëtare të Arbitrazhit në Paris

Sipas Thesarit, me 4 gusht 2026 Ministria e Turizmit, Kulturës, Rinisë dhe Sporteve ka paguar 57 milionë e 789 mijë e 600 lekë(të reja sigurisht), për “paradhënie për kostot e tarifave të Tribunalit, case 29714/ICA7”.

ICA7 është “njësia 7, e cila trajton mosmarrëveshjet komplekse dhe të komplikuara në Gjykatën Ndërkombëtare të Arbitrazhit në Paris”.

29714 është nr. i dosjes gjyqësore, por kërkimi konkret në faqen e Gjykatës, thotë “Konfidencial”.

Po të njëjtën ditë, po sipas thesarit, po Ministria e Gonxhes, ka bërë një transfertë të dytë, 18 milionë e 863 mijë e 772 lekë(të reja sigurisht), “për pagesë shpenzime arbitrazhi për shërbime ligjore”.

Dmth, në total 76 milionë e 653 mijë e 372 lekë (të reja sigurisht), brenda një dite.

Cila është pala tjetër ndërgjyqëse dhe cili është objekti i konfliktit gjyqësor?

Rëndësi ka që të mos turpërohemi për kaq lekë “të qelbta”, (ose 838 mijë e 970 €), të tjerat rregullohen…”, shkruan Çollaku./ CNA