Një ngjarje e rëndë ka ndodhur ditën e sotme në Bulqizë, ku një banesë në katin e parë të një pallati të ri është përfshirë nga flakët, duke shkaktuar panik te banorët e zonës. Sipas informacioneve paraprake, në banesë ndodhej një person me aftësi të kufizuara, i cili mbeti i bllokuar brenda për shkak të zjarrit.
Pas njoftimit nga fqinjët, në vendngjarje mbërritën shërbimet zjarrfikëse dhe policia, të cilat ndërhynë për shuarjen e flakëve dhe nxjerrjen e banorit nga banesa. Fatmirësisht, ndërhyrja e shërbimeve bëri të mundur nxjerrjen e personit nga banesa.
Ndërkohë, ende nuk dihen shkaqet e rënies së zjarrit, ndërsa nuk ka ende të dhëna të plota për dëmet materiale. Policia dhe grupi hetimor ndodhen në vendngjarje dhe po punojnë për të përcaktuar shkaqet dhe rrethanat e plota të incidentit.
Sondazh
Lexo gjithashtu
