Kaos në Hagë! Protesta e ekstremit të djathtë përshkallëzohet në përplasje me policinë

 Haga u përfshi nga dhuna dhe përleshjet ditën e sotme, pasi një protestë e ekstremit të djathtë doli jashtë kontrollit.

Tubimi, i titulluar “Ne Jemi Populli”, ishte organizuar në shenjë kundërshtimi ndaj politikave të qeverisë për azilin dhe emigracionin, por autoritetet lokale vendosën ta bllokonin.

Situata u përshkallëzua kur në turmë u shfaqën simbole ekstremiste, ndërsa u raportuan edhe përshëndetje naziste dhe thirrje antisemite. Për rikthimin e rendit, policia përdori njësi të montuara, qen të trajnuar dhe shkopinj gome, ndërsa për një periudhë të shkurtër u përdorën edhe topat e ujit për shpërndarjen e protestuesve.

Ministri holandez i Drejtësisë dhe Sigurisë, David van Weel, reagoi ndaj ngjarjeve, duke deklaruar se “është jetike që të merren masat më të forta të mundshme ligjore ndaj kësaj skene”.

Përplasjet në Hagë rikthejnë në vëmendje tensionet e forta sociale dhe politike në Holandë lidhur me politikat e azilit dhe emigracionit.