"Të hiqet ndalimi për gazetarët"/ Shoqata e Korrespondentëve të Shtëpisë së Bardhë kërkesë Trump

Shoqata e Korrespondentëve të Shtëpisë së Bardhë (WHCA) i bëri thirrje Presidentit Donald Trump të heqë ndalimin e tij për gazetarët nga CNN dhe media të tjera për të hyrë në Shtëpinë e Bardhë, duke e quajtur këtë veprim jokushtetues.

"Vendimi i sotëm për të revokuar aksesin për gazetarët nga CNN, Politico dhe MSNOW shkel Amendamentin e Parë", tha Shoqata e Korrespondentëve të Shtëpisë së Bardhë (WHCA) në një deklaratë, ku i bëhej thirrje presidentit amerikan që të rivendoste sërish aksesin për gazetarët.

CNN dhe MS NOW njoftuan më parë se gazetarëve të tyre u është mohuar hyrja në Shtëpinë e Bardhë, pas ndalimit të shpallur nga presidenti amerikan të premten.

Sipas mediave amerikane, një gazetar dhe një fotograf nga MS NOW nuk u lejuan të hynin në Shtëpinë e Bardhë sot, ndërsa e njëjta gjë ndodhi edhe me gazetarët e CNN.

Trump tha dje se po ndalonte "me efekt të menjëhershëm" CNN, MS NOW dhe Politico nga Shtëpia e Bardhë, duke paralajmëruar se edhe media të tjera do ta ndiqnin dhe duke u ankuar për mbulimin e lajmeve, në kërcënimin e tij të fundit ndaj pavarësisë së shtypit. /CNA