Disa prej emrave më të fuqishëm të teknologjisë amerikane do të jenë të pranishëm javën e ardhshme n&e...
SHOWBIZ
Pas dhimbjes së madhe, vjen gëzimi! Çifti i njohur mirëpret në jetë një djalë
PiranjatPërditësimi i fundit 19 Shtator 2026, 23:06
Një lajm i bukur ka ardhur për reperin Marini dhe bashkëshorten e tij, Alba Malaj, të cilët janë bërë sërish prindër. Çifti ka mirëpritur në jetë një djalë, ardhja e të cilit është mbajtur larg vëmendjes së publikut gjatë gjithë periudhës së shtatzënisë.
Lajmin e ëmbël e ka ndarë Alba përmes një videoje të publikuar në TikTok. Në të, ajo ka përmbledhur momente nga muajt e pritjes, duke treguar se si e ka përjetuar shtatzëninë në privatësi, ndërsa pamjet e fundit të videos janë nga spitali, menjëherë pas lindjes.
Në krahët e saj shfaqet vogëlushi, ndërsa çifti ka zbuluar edhe emrin e veçantë që kanë zgjedhur për të: Madison. Për familjen, ardhja e djalit ka një domethënie të veçantë, sidomos pas një periudhe të vështirë që kanë kaluar.
Në vitin 2025, Marini dhe Alba përjetuan një humbje të rëndë, pasi humbën djalin e tyre të porsalindur. Në atë kohë, çifti po priste fëmijën e katërt, pas tre vajzave të tyre, Milana, Melody dhe Marina.
Lajmin e dhimbshëm e kishte bërë publik vetë reperi, duke treguar se familja kishte përjetuar një nga momentet më të vështira të jetës së saj. Ai kishte rrëfyer se kishin mundur ta mbanin djalin në krahë për pak kohë, para se të përballeshin me humbjen.
Pas kësaj dhimbjeje, këtë herë çifti vendosi ta mbajë shtatzëninë larg syrit të publikut. As momentet e pritjes dhe as lajmi për ardhjen e Madison nuk u bënë publike deri pas lindjes.
Vetëm tani, përmes pamjeve të publikuara nga Alba, ndjekësit kanë mundur të shohin disa nga momentet më të rëndësishme të këtij rrugëtimi.
