Një 49-vjeçar ka humbur jetën si pasojë e një aksidenti të ndodhur mëngjesin e kësaj të hënë. Sipas policisë aksidenti ka ndodhur në rrugën Gose- Vilbashtovë në Kavajë, ku një automjet është përplasur me një motor.
"Rreth orës 09:05, në aksin rrugor Gose–Vilbashtovë, Kavajë, një automjet me drejtues shtetasin C. N. është përplasur me një motomjet. Si pasojë e aksidentit, ka humbur jetën drejtuesi i motomjetit, shtetasi L. A., 49 vjeç. Grupi hetimor ndodhet në vendngjarje dhe po punon për dokumentimin dhe sqarimin e plotë të rrethanave të aksidentit", njofton policia.
