Një video arkivore nga procesi gjyqësor ndaj politikanit ultranacionalist serb Vojislav Sheshel është publikuar në rrjetet sociale nga gazetari Berat Buzhala.
Në pamje, Sheshel shfaqet përpara Tribunalit të Hagës duke përdorur një gjuhë fyese dhe fjalor banal gjatë komunikimit në sallën e gjyqit.
Vojislav Sheshel është drejtues i Partisë Radikale Serbe dhe një prej figurave më të debatueshme të politikës serbe. Ai u dënua në apel me 10 vjet burg për nxitjen e persekutimit, dëbimit dhe zhvendosjes me forcë të kroatëve nga Hrtkovci në vitin 1992, por dënimi u konsiderua i kryer për shkak të kohës së kaluar në paraburgim.
Videoja është rikthyer në vëmendje në prag të zgjedhjeve të parakohshme parlamentare që do të zhvillohen në Serbi më 25 tetor 2026.
Presidenti Aleksandar Vuçiç ka njoftuar se do të largohet nga posti më 27 shtator dhe do të garojë për t’u rikthyer si kryeministër, duke udhëhequr fushatën e Partisë Përparimtare Serbe.
Megjithatë, deri tani nuk rezulton i konfirmuar zyrtarisht pretendimi se Partia Përparimtare Serbe e Vuçiçit do të garojë në koalicion me Partinë Radikale Serbe të Sheshelit.
Zgjedhjet e parakohshme zhvillohen në një klimë të tensionuar politike, pas protestave të gjata studentore dhe qytetare kundër qeverisë së Vuçiçit.
Zhvillimet për zgjedhjet janë konfirmuar nga Reuters dhe OSBE/ODIHR, ndërsa të dhënat për procesin e Sheshelit gjenden në faqen e Mekanizmit Ndërkombëtar të OKB-së./Versus.al
