Dita e 113-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
Dita e 113-të e protestës/ Aktorja Egla Ceno: Kush është shqiptar e di vet ku duhet të jetë! 20 Shtator, 15:...
Dita e 113-të e protestës/ Aktorja Egla Ceno: Kush është shqiptar e di vet ku duhet të jetë! 20 Shtator, 15:...
FOTO/ Kush është Artan Myrtaj që u ekzekutua ditën e sotme në qendër të Sarandës 20 Shtator, 10:32 ...
112 ditë protestë, nis grumbullimi i qytetarëve në shesh, kërkojnë largimin e Ramës 19 Shtator, 19:11 ...
"Është mik i ngushtë me kreun e SPAK"/ Berisha: Demo është i gatuar me bandat me të rrezikshme të vendit 19 ...
• Qytetarët u mblodhën sot në ditën e 113-të të revoltës së tyre. • Ata u organizuan fillimisht në sheshin “Skënderbej” dhe më pas vijuan marshimin drejt Kryeministrisë, ku dhe zhvilluan fjalimet e tyre. • Të shumtë ishin qytetarët të cilët folën në podiumin e vendosur para Kryeministrisë, ku artikuluan kërkesat e tyre dhe bënë thirrje për ndryshim. • Gjatë një prononcimi për mediat, profesori Lush Susaj u shpreh se qëllim i kësaj proteste është dorëheqja pa kushte e kryeministrit dhe autokracisë që ka mbledhur rreth tij. • Sipas tij, qeveria ka shkatërruar sistemin e shëndetësisë, arsimor, bujqësinë, pronat, sigurinë juridike. • Aktivisti Florjan Myftari tha se është momenti që protesta të marrë përgjegjësi e të propozojë ide në lidhje me mënyrën si do të vazhdojë.• Ai tha se protesta nuk është një lojë tavoline, por është një pikë serioze për Shqipërinë. • Aktivisti theksoi se vendit i duhet një zgjidhje reale dhe e vërtetë. • Një qytetare u ka bërë thirrje bizneseve të mbyllin qepenat dhe të dalin në protestë. • Gjatë fjalës së saj në podiumin e vendosur para Kryeministrisë, ajo tha se shqiptarët duan ndryshim, duke shtuar se janë ndryshimet e Kushtetutës në 2008, ato që e sollën vendin në këtë pikë.• Qytetarja u ndal edhe tek largimi i të rinjve dhe fëmijëve nga vendi, duke thënë se kjo është një prej dëshmive që qytetarët e shohin çdo ditë dhe se nuk ka nevojë për statistika për ta kuptuar situatën. • Aktivistja Arvina Lleshi ishte një nga folëset në protestën e ditës së sotme. • Gjatë fjalës së saj në podiumin e vendosur para Kryeministrisë, Leshi u shpreh se më 24 shtator, pritet të votohen në parlament projektligjet për zonat e mbrojtura, për Paketën e Maleve dhe për investimet strategjike. • Në kuadër të kësaj, ajo ftoi qytetarët që të jenë para Parlamentit, për të protestuar. • Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama. • Me pankarta në duar dhe flamuj kuqezi, protestuesit kanë bërë thirrje për ndryshim. • Protesta ka bërë bashkë fëmijë, të moshuar, studentë, profesionistë, aktivistë dhe turistë. • Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese. • Tubimet janë shoqëruar me marshime nëpër rrugët kryesore të Tiranës, ndërsa qytetarët kanë ndaluar edhe pranë institucioneve të tjera, përfshirë Parlamentin, ku kanë përcjellë mesazhe ndaj deputetëve. • “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi". këto ishin disa nga thirrjet e tyre.
10 artikuj për këtë temë.
TIRANA- Protestuesit kanë mbyllur fjalimet para Kryeministrisë. Nën thirrjet "Ju erdhi fundi", ata kanë nisur marshimin në rrugët e Tiranës dhe kanë finalizuar ditën e 113-të të revoltës së tyre.
Të shumtë ishin qytetarët të cilët folën në podiumin e vendosur para Kryeministrisë ku bënë thirrje për ndryshim dhe kërkuan dorëheqjen e kryeministrit Edi Rama. “Edi Rama, jep dorëheqjen”, “Ju erdhi fundi”, “Rama në burg, Berisha në burg” dhe “Ndryshim sistemi” ishin disa prej sloganeve të përsëritura gjatë protestës.
Edhe sot, protesta ka spikatur duke bërë bashkë shtresa të ndryshme të shoqërisë, nga fëmijë e të moshuar, te studentë, profesionistë, aktivistë të cilët i janë bashkuar qëndresës qytetare./Dosja.al
TIRANA- Aktivistja Arvina Lleshi ishte një nga folëset në protestën e ditës së sotme. Gjatë fjalës së saj në podiumin e vendosur para Kryeministrisë, Leshi u shpreh se më 24 shtator, pritet të votohen në parlament projektligjet për zonat e mbrojtura, për Paketën e Maleve dhe për investimet strategjike. Në kuadër të kësaj, ajo ftoi qytetarët që të jenë para Parlamentit, për të protestuar.
Kjo duke theksuar se Shqipëria nuk është e qeverisë apo një grushti njerëzish, por është e njerëzve që punojnë çdo ditë dhe e çdo shqiptari që do të jetojë me dinjitet në vendin e tij. Ajo u shpreh se ligji duhet të jetë i njëjtë për të gjithë, pavarësisht pushtetit, pasurisë apo pozitës që mbajnë.
Aktivistja Arvina Lleshi: Ligji nuk është bërë vetëm për qytetarin e thjeshtë, ligji është bërë për të gjithë. Edhe për atë që ka pushtet, për atë që ka lekë, që ka lidhje, edhe për atë që ulet në zyrën më të madhe të shtetit. A e dini që në Shqipëri ligjet i bëjnë ata që nuk dinë të lexojnë, të artikulohen dhe jo më të bëjnë ligje? Të enjten, më 24 shtator, pritet të votohen në parlament projektligjet antishqiptare për zonat e mbrojtura, për Paketën e Maleve dhe për investimet strategjike.
Unë ju ftoj që t’i lexoni vetë, shikoni çfarë ndryshojnë, kush përfiton dhe çfarë i mbetet qytetarit në fund. Duhet të jetë e qartë, Shqipëria nuk është e qeverisë, nuk është e një grushti njerëzish që sot janë në pushtet dhe nesër mund të mos jenë. Shqipëria është e jona, është e njerëzve që punojnë çdo ditë, është e atij që zgjohet në 5 të mëngjesit për të shkuar në punë, është e fermerit, është e mësuesit, është e mjekut, studentit, emigrantit që ka ikur nga halli dhe jo nga dëshira. Është e çdo shqiptari që do të jetojë me dinjitet në vendin e vet.
Ne, më të vërtetë, mund të kemi bindje të ndryshme, por për disa gjëra duhet të jemi të gjithë bashkë. Për drejtësinë, për pronat dhe për natyrën. Për institucionet që respektojnë qytetarin, për një shtet ku ligji nuk ndryshon sipas emrit që ke. Më datë 24 shtator, ju ftoj të gjithë qytetarët të jeni para parlamentit. Për t’i thënë edhe një herë që nuk na përfaqësoni./Dosja.al
TIRANA- Një qytetare u ka bërë thirrje bizneseve të mbyllin qepenat dhe të dalin në protestë. Gjatë fjalës së saj në podiumin e vendosur para Kryeministrisë, ajo tha se shqiptarët duan ndryshim, duke shtuar se janë ndryshimet e Kushtetutës në 2008, ato që e sollën vendin në këtë pikë.
Më tej, ajo tha se Parlamenti nuk i përfaqëson qytetarët, pasi ka miratuar ligje që kanë dëmtuar kombin dhe të ardhmen. Qytetarja u ndal edhe tek largimi i të rinjve dhe fëmijëve nga vendi, duke thënë se kjo është një prej dëshmive që qytetarët e shohin çdo ditë dhe se nuk ka nevojë për statistika për ta kuptuar situatën.
“Nuk kemi nevojë për statistika, na mjafton që kemi parë të rinjtë dhe fëmijët që janë larguar. Janë larguar sepse nuk kanë gjetur vendin e duhur, pavarësisht arsimimit. Kudo shkojmë në Shqipëri dëgjojmë bizneset që thonë ‘jemi me ju dhe protestën jemi të gatshëm ta çojmë një hap më lart, të ulim qepenët të mos punojmë, të mos paguajmë taksat, të mbyllim bizneset gjatë ditësh, që administrata të mos ketë mundësi t’u trokasë në dyer’. Kur biznesi e ofron vetë këtë gjë imagjinoni ku kanë arritur. Me zor arrijnë plotësojnë pagat e punonjësve”, tha ajo./Dosja.al
TIRANA- Qytetarët kanë nisur fjalimet para Kryeministrisë, ndërsa i pari që ka marrë fjalën është aktivisti Florjan Myftari. Duke folur para qytetarëve, ai u shpreh se është momenti që protesta të marrë përgjegjësi e të propozojë ide në lidhje me mënyrën si do të vazhdojë. Ai tha se protesta nuk është një lojë tavoline, por është një pikë serioze për Shqipërinë.
Aktivisti theksoi se vendit i duhet një zgjidhje reale dhe e vërtetë. Sipas tij, Shqipëria duhet të korrigjojë gabimet e Ramës dhe Berishës në 2008, ndryshimet kushtetuese që të marrim sovranitetin, pasi Parlamenti dhe mënyra se si është zgjedhur nuk përfaqëson qytetarët.
Aktivisti: Është momenti që protesta të marrë përgjegjësi e të propozojë ide që mund t’i zhvillojmë vetëm së bashku. Shumë e rëndësishme është të mos dëshpërohemi dhe të jemi entuziastë për Shqipërinë që duam. Duhet të marrim përgjegjësi. Nuk është një lojë tavoline, por është një pikë serioze për Shqipërinë që duam. Na duhet një zgjidhje reale dhe e vërtetë. Shqipëria duhet të korrigjojë gabimet e Ramës dhe Berishës në 2008, ndryshimet kushtetuese, që të marrim sovranitetin, bashkë, pasi ky Parlament dhe mënyra se si është zgjedhur nuk na përfaqëson./Dosja.al
TIRANA- Qytetarët kanë nisur marshimin drejt Kryeministrisë, ku dhe do të zhvillojnë fjalimet e tyre. Gjatë një prononcimi për mediat, profesori Lush Susaj u shpreh se qëllim i kësaj proteste është dorëheqja pa kushte e kryeministrit dhe autokracisë që ka mbledhur rreth tij.
Kjo duke shtuar se një synim tjetër është hapja rrugë e pluralizmit politik dhe demokracisë. Sipas tij, qeveria ka shkatërruar sistemin e shëndetësisë, arsimor, bujqësinë, pronat, sigurinë juridike.
Lush Susaj: Janë 113 ditë frymëzim për të vazhduar, për të vazhduar në qëllimin e përbashkët që është dorëheqja pa kushte e kryeministrit dhe autokracisë që ka mbledhur rreth tij, dhe që është hapja rrugë e pluralizmit politik dhe demokracisë.
Çlirimi i Shqipërisë nga një mafie e korrupsionit, e cila e ka zanafillën qysh në vitin 1992 dhe ka zënë të gjitha hapësirat shoqërore, politike, ekonomike të Shqipërisë dhe që po ia merr frymën Shqipërisë, mjedisit, po dëbon elitën, po dëbon ekspertizën, gjithë qytetarinë dhe rininë. Po i boshatis shkollat e universitetet.
Për këtë jam në protestë, kam dalë që në ditën e parë. I bëj thirrje shqiptarëve të dalin në shesh me qëllimin e largimit të qeverisë që e ka qelbur në të gjitha drejtimet. Çfarë duan më shumë shqiptarët që të dalin? Kjo qeveri ka shkatërruar sistemin e shëndetësisë, arsimor, bujqësinë, pronat, sigurinë juridike.
Mos e rrokullisni Shqipërinë në konflikt social. Në ’97 u vranë djemtë tanë, jo politikanët. Nëse vjen ajo ditë, do të vijë prej indiferentizmit tuaj dhe ju që rrini në kafene nën avujt e alkoolit./Dosja.al
TIRANA- Qytetarët kanë nisur marshimin drejt Kryeministrisë, ku dhe pritet që të zhvillojnë fjalimet e tyre. Pjesëmarrja e tyre është e konsiderueshme, ndërsa në duar mbajnë pankarta dhe flamuj kuqezi. Kërkesat e qytetarëve mbeten të njejtat, ata kërkojnë dorëheqjen e panegociueshme të kryeministrit Edi Rama si dhe anulimin e ligjit për zonat e mbrojtura.
Qytetarët i kanë qëndruar bindshëm kërkesave të tyre dhe kanë zgjedhur që të mos bëjnë negociata me to. "Edi Rama o tradhtar, me Shqipërinë mos bëj pazar", "Rama jep dorëheqjen" dhe "Ju erdhi fundi", këto janë thirrjet që po shoqërojnë marshimin e tyre./Dosja.al
TIRANA- Protestuesit janë mbledhur sot në ditën e 113-të të protestës për largimin e Kryeministrit Edi Rama. Protestuesit kanë nisur grumbullimin në sheshin Skënderbej për të vazhduar më tëj marshimin drejt godinës së Kryeministrisë.
Me pankarta në duar e thirrje kundër korrupsionit dhe gjithë klasës politike, qytetarët kanë krijuar një atmosferë tejet të ndezur në qendër të Tiranës. Ata kërkojnë ndryshim të gjithë klasës politike dhe plotësimin e kërkesave të tyre, ku në krye të listës qëndron dorëheqja e kryeministrit Rama nga qeveria./Dosja.al
TIRANA- Qytetarët kanë nisur grumbullimin në sheshin ku mblidhen çdo ditë, për të nisur më pas marshimin drejt Kryeministrisë. Në ditën e 113-të të protestës kundër qeverisë së kryeministrit Edi Rama, protestuesit kanë përcjellë mesazhet e tyre edhe përmes pankartave. Përveç thirrjeve kundër qeverisë, në pankarta janë evidentuar shqetësime që lidhen me korrupsionin dhe zgjedhjet.
“Kur ne përçahemi, ‘Trajneri’ feston në pushtet, kur ne bashkohemi, më i fortë bëhet ky shtet!”, shkruhet në një prej pankartave, referuar kryeministrit si “trajner”.
“Ilaçi kundër korrupsionit: lista të hapura, duart e pastra”, shkruhet në një prej tyre. “Fund pazareve të kryetarëve, vota u takon qytetarëve”, thuhej në një tjetër.
“113, shërbim, jo propagandë” dhe “113, public service defines the state”, shkruhet në pankarta të tjera./Dosja.al
TIRANA- Aktorja Egla Ceno ka komentuar protestën e qytetarëve shqiptar, të cilët po protestojnë kundër qeverisë për më shumë se tre muaj. Përmes një postimi në rrjetet sociale, Ceno shprehet se kush është shqiptar, e di vetë se ku duhet të jetë.
Ajo thekson se të gjithë duhet të dëgjojnë instiktin dhe të zgjedhin dinjitetin. Kjo duke shtuar se mjafton që qytetarët të shikojnë cilësinë e ditës së tyre dhe të vendosin se pse duhet të jenë pjesë e protestës.
Postimi i Egla Cenos
Nuk i them njeriu “çohu nga kafja”. Nuk i them askujt “nesër më shumë”. Kush është Shqiptar e di vet ku duhet të jetë. Mos u përçani nga disa “elementë” që shit-blihen si prostituta rruge. Dëgjoni instiktin tuaj, nevojat tuaja. Shikoni cilësinë e ditës tuaj dhe vendosni. Dinjitet, asgjë më shumë, asgjë më pak./Dosja.al
TIRANA- Qytetarët do të mblidhen sot në protestën e 113-të radhazi kundër qeverisë Rama. Për më shumë se tre muaj, qytetarë të shumtë në numër mblidhen në Sheshin Skënderbej dhe më pas marshojnë drejt Kryeministrisë. Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama.
Me pankarta në duar dhe flamuj kuqezi, protestuesit kanë bërë thirrje për ndryshim. Protesta ka bërë bashkë fëmijë, të moshuar, studentë, profesionistë, aktivistë dhe turistë. Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese.
Tubimet janë shoqëruar me marshime nëpër rrugët kryesore të Tiranës, ndërsa qytetarët kanë ndaluar edhe pranë institucioneve të tjera, përfshirë Parlamentin, ku kanë përcjellë mesazhe ndaj deputetëve.
Gjatë tubimeve, protestuesit ka brohoritur një zëri: “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi"./Dosja.al
