“Ka qenë java më e vështirë e jetës sime”, pas polemikave për Palestinën, Ed Sheeran shpërthen në lot në skenë: Po më braktisin (VIDEO)
Ed Sheeran është përlotur gjatë koncertit të tij në Filadelfia, duke e përshkruar javën e fundit si “më të vështirën e jetës së tij”, mes polemikave që kanë përfshirë turneun e tij. Këngëtari foli hapur për presionin dhe reagimet që ka marrë pas largimit të reperit Macklemore nga turneu, lidhur me deklaratat e tij pro-palestineze.
I ulur në skenë me kitarën në duar, Sheeran tha se në momente të tilla kupton se cilët janë njerëzit që qëndrojnë vërtet pranë tij. Ai tregoi se shumë persona që i njeh prej vitesh i kanë kërkuar të anulojë turneun, ndërsa sipas tij, disa miq dhe pjesëtarë të familjes janë distancuar. “Po ndiej se miqtë dhe familja ime po më braktisin”, u shpreh ai, ndërsa nuk mundi t’i mbante lotët.
📲| Ed’s full speech thanking for the support:
— Ed Sheeran Access (@AccessEdSheeran) September 20, 2026
‘The last week of my life was been one of the worst weeks… tonight has been honestly the best show of my life’
‘In this situations you really find out who your friends are… people I’ve knew from years ago are backing away’ pic.twitter.com/7iZIxrcujC
Megjithatë, Sheeran tha se mbështetja e rreth 50 mijë fansave në Filadelfia i ka dhënë forcë për të vazhduar. Në ditët e fundit, ai është përballur me thirrje për bojkot të koncerteve dhe anulimin e turneut, ndërsa u detyrua të krijojë në kohë rekord një grup të ri shoqërues, i cili pati vetëm tre ditë për të mësuar repertorin e tij.
Polemikat janë shtuar edhe pas reagimit të kushëririt të tij, Jethro, i cili e akuzoi publikisht Sheeran duke e cilësuar “frikacak” dhe “njeri të keq”. Përballë kësaj situate, këngëtari pranoi se presioni i madh e ka bërë madje të vërë në dyshim nëse dëshiron të vazhdojë një karrierë në muzikë.
/vizionplus.tv
