Zhgënjen Manchester United, shmang humbjen në fund

Manchester United nuk ka shkuar më shumë se një barazim 1-1 në transfertën ndaj Fulhamit, në ndeshjen e vlefshme për javën e pestë të Premier League.

Pjesa e parë e takimit u mbyll me rrjeta të paprekura pas një loje me kujdes nga të dyja palët. Sfidën e zhbllokuan vendasit në minutën e 63-të, falë një autogoli të mbrojtësit Lisandro Martinez.

Pas këtij episodi, skuadra e Manchester United u hodh e gjitha në sulm për të gjetur golin e barazimit. Përpjekjet e miqve u shpërblyen vetëm në minutën e 89-të të takimit.

Pas një asistimi nga Patrick Dorgu, sulmuesi Matheus Cunha dërgoi topin në rrjetë për të vulosur barazimin 1-1. Ky gol në minutat e fundit shmangu humbjen "Djajtë e Kuq".

Pas këtij rezultati, Manchester United renditet në vendin e 12-të me pesë pikë, ndërsa Fulham mbetet në fundin e tabelës me dy pikë.