Juventus triumfon ndaj Atalantës, Zhegrova protagonist

Juventusi fitoi 2-0 ndaj Atalantës në Serie A, duke u rikthyer te sukesi pas dy javwve nw kampionat.

Skuadra e Luciano Spallettit regjistroi fitoren e shtatë në 11 ndeshjet e fundit në shtëpi në të gjitha kompeticionet, krahas 3 barazimeve dhe vetëm 1 humbjeje.

Pas një fillimi të kujdesshëm, Juventusi kaloi në avantazh në minutën e 28-të me Francisco Conceiçao, pas asistimit të Zeki Çelik.

Atalanta pati mundësi për të reaguar, por Lazar Samardzic dhe Jonathan Rowe nuk arritën të shënonin. Në pjesën e dytë, të dyja skuadrat krijuan raste, ndërsa Guglielmo Vicario ndaloi një goditje të rrezikshme të Rowe.

Juventusi e dyfishoi avantazhin në minutën e 77-të me Gleison Bremer, i cili shënoi me kokë pas krosimit nga këndi të Edon Zhegrovës. Në fund, Kolo Muani dhe Teun Koopmeiners patën mundësi për një tjetër gol, por rezultati nuk ndryshoi.

Me këtë fitore, Juventusi u ngjit në vendin e gjashtë në Serie A dhe është tri pikë larg Romës kryesuese. Atalanta zhytet në krizë, pasi kjo është humbja e tretë radhazi.