Zelensky bisedon me Trump: Takim në New York për paqen në Ukrainë, mund të ndryshojnë shumë gjëra
Presidenti i Ukrainës, Volodymyr Zelensky, ka zhvilluar një bisedë telefonike me presidentin amerikan Donald Trump, gjatë së cilës dy liderët kanë rënë dakord të takohen në Nju Jork. Lajmin e bëri të ditur vetë Zelensky, i cili e cilësoi bisedën si të rëndësishme dhe tha se takimi i ardhshëm “mund të ndryshojë shumë”.
Zelensky tha se gjatë bisedës u diskutuan një sërë çështjesh dhe se tashmë ekziston një “dinamikë diplomatike” rreth përpjekjeve për arritjen e paqes në Ukrainë. Ai falënderoi gjithashtu Trump për vizitën e të dërguarve amerikanë Steve Witkoff dhe Jared Kushner në Kiev, ku sipas tij u shqyrtuan nga afër zhvillimet dhe situata në terren.
I just spoke with President Trump @POTUS. An important conversation, and we got through a lot. We agreed to meet in New York, and this meeting could change a lot. There is diplomatic momentum.
— Volodymyr Zelenskyy / Володимир Зеленський (@ZelenskyyUa) September 20, 2026
I thanked the President for Steve Witkoff and Jared Kushner’s visit to Kyiv. We went…
“Procesi i paqes është prioriteti ynë numër një”, deklaroi Zelensky, duke bërë të ditur se në tryezë janë ide për masa de-përshkallëzimi, si dhe çështje që lidhen me sigurinë energjetike, atë ushqimore dhe mbrojtjen e jetës së njerëzve. Ai tha se Ukraina po punon me ekipin amerikan dhe është e gatshme të ndërmarrë hapa konkretë.
Në fund, presidenti ukrainas falënderoi Trump për nënshkrimin e një projektligji që parashikon sanksione të reja ndaj Rusisë. “Të gjithë biem dakord se duhet të ketë paqe”, u shpreh Zelensky, duke falënderuar ata që, sipas tij, vazhdojnë të mbështesin Ukrainën
