Aksi Lezhë-Milot është përfshirë mbrëmjen e kësaj të diele nga trafik i rënduar, me radhë të gjata automjetesh dhe vështirësi në qarkullim.
Fluksi është shtuar ndjeshëm pas kthimit të pushuesve nga plazhet e Shëngjinit dhe Tales, pas një fundjave me mot të favorshëm dhe temperatura të larta.
Numri i madh i automjeteve që lëvizin në të dyja drejtimet ka shkaktuar radhë kilometrike në disa pjesë të segmentit rrugor.
Drejtuesit e mjeteve po përballen me vonesa të konsiderueshme, ndërsa trafiku i dendur në aksin Lezhë-Milot vijon prej disa orësh.
