Kryeministrja italiane Giorgia Meloni ka folur për rreziqet nga inteligjenca artificiale, për mbrojtjen e të miturve në rrjetet sociale dhe për një paketë të re masash për shkollat.
"Algoritmet mund t’ju shpifin, por nuk mund t’ju mbishkruajnë. Mos pranoni automatikisht si të vlefshme asgjë që do të shihni në muajt e ardhshëm. Nuk është e vërtetë që ne e bllokuam propozimin dypartiak për moratoriumin e rrjeteve sociale për fëmijët. Përkundrazi, ne nuk ndërhymë pikërisht sepse Parlamenti po e diskutonte atë. Platformat duhet të mbajnë pjesën më të madhe të përgjegjësisë, sepse ato kanë mjetet për të hequr shumë prej mekanizmave që krijojnë varësi tek të rinjtë." tha Meloni.
Ajo kërkoi edhe verifikim të moshës së përdoruesve, por pa detyrimin për të paraqitur dokument identifikimi, pasi kjo sipas saj do të çonte në "profilizimin më të gjerë të qytetarëve të imagjinuar ndonjëherë". Meloni njoftoi se së shpejti do t'i paraqesë Këshillit të Ministrave një paketë masash të reja.
Paketa parashikon tre pika kryesore si vendosjen e një kufiri ligjor për numrin e nxënësve të huaj në çdo klasë, detyrimin për prindërit e nxënësve të huaj me vështirësi serioze integrimi që të mësojnë gjuhën italiane dhe ndalimin e burkës dhe hixhabit në shkolla.
"Një masë do t’i paraqitet Këshillit të Ministrave që prezanton një kufi ligjor për numrin e nxënësve të huaj për klasë, u kërkon prindërve të nxënësve të huaj me probleme serioze integrimi në shkollë të mësojnë italisht dhe ndalon burkën dhe hixhabin në shkolla. Shkon në shkollë me fytyrën të zbuluar dhe në Itali, askush, në emër të një tradite të vërtetë ose të supozuar, nuk mund të vendosë që një grua e re duhet të fshihet. Barazia mes burrave dhe grave është e panegociueshme. Nuk është e negociueshme në rrugët tona, nuk është e negociueshme në shkollat tona", u shpreh kryeministrja italiane.
Sipas saj, qëllimi është vendosja e rregullave të përbashkëta dhe adresimi i problemeve të integrimit në sistemin arsimor.
Sondazh
Lexo gjithashtu
