Formacioni i javës së 5-të Superiores, FSHF zgjedh më të spikaturit

Pas përfundimit të ndeshjeve të javës së pestë të Superiores, Federata Shqiptare e Futbollit ka publikuar formacionin më të mirë të kësaj jave.

Drejtoria Teknike e FSHF-së ka përzgjedhur 11 futbollistët që spikatën më shumë në pesë sfidat e zhvilluara, duke e ndërtuar formacionin në skemën 4-3-3.

Në portë është përzgjedhur Paul Bernardoni i Teutës, ndërsa në repartin defensiv janë Kleart Grazhdani (Skënderbeu), Eljon Sota (Egnatia), Bruno Dita (Dinamo City) dhe Ysni Ismaili (Dinamo City).

Mesfusha plotësohet nga Ergis Arifi i Teutës, Abbas Ibrahim i AF Elbasanit dhe Karim Loukili i Egnatias, tre lojtarë që lanë gjurmë me paraqitjet e tyre gjatë kësaj jave.

Në repartin ofensiv janë përzgjedhur Bernard Karrica i Vorës, Mmesoma Umejiego i Teutës dhe Redon Xhixha i Tiranës.

Në krye të skuadrës së javës është vendosur trajneri i Teutës, Edlir Tetova, i cili u vlerësua për paraqitjen e ekipit durrsak dhe fitoren ndaj Vllaznisë në Shkodër.

Formacioni i javës – 4-3-3

Bernardoni

Ismaili – Dita – Sota – Grazhdani

Arifi – Abbas Ibrahim – Loukili

Karrica – Umejiego – Xhixha

Trajner: Edlir Tetova