Mbledhja e FBINAA-së/ Ambasada e SHBA-së: Qëllimi i vetëm është zbatimi i fortë i ligjit

Ambasada e SHBA-së në vendin tonë ka bërë një reagim lidhur me Sesionin e 42-të të Trajnimit të Vazhdueshëm të Kapitullit Europian të FBINAA-së që po zhvillohet në Tiranë.

Në reagim theksohet se kur Shtetet e Bashkuara të Amerikës dhe Shqipëria qëndrojnë së bashku, komunitetet e të dy vendeve janë më të sigurta.

Ndër të tjera thuhet se nga data 19-23 shtator, ky session bëri bashkë 235 profesionistë të zbatimit të ligjit nga Shtetet e Bashkuara, Shqipëria dhe e gjithë Europa për të ndarë ekspertizë, për të forcuar bashkëpunimin dhe për të luftuar krimin e organizuar përtej kufijve.

Ambasada thekson se qëllimi i vetëm është zbatimi i fortë i ligjit, siguri më e madhe dhe komunitete më të sigurta në Shtetet e Bashkuara dhe në Shqipëri.

“Kur Shtetet e Bashkuara dhe Shqipëria qëndrojnë së bashku, komunitetet tona janë më të sigurta. Nga 19 deri më 23 shtator, Sesioni i 42-të i Trajnimit të Vazhdueshëm i Kapitullit Europian të FBINAA-së mblodhi së bashku 235 profesionistë të zbatimit të ligjit nga Shtetet e Bashkuara, Shqipëria dhe e gjithë Europa. FBINAA bashkon drejtues të lartë të strukturave ligjzbatuese të trajnuar në Akademinë Kombëtare të FBI-së për të ndarë ekspertizë, për të forcuar bashkëpunimin dhe për të luftuar krimin e organizuar përtej kufijve. Qëllimi ynë është i qartë: zbatim më i fortë i ligjit, siguri më e madhe dhe komunitete më të sigurta në Shtetet e Bashkuara dhe në Shqipëri”, thuhet në reagimin e ambasadës. /CNA