"Super Inteligjenca"/ Trump "riemërton" IA-në, hedh poshtë thirrjet për rregullore globale

Presidenti i SHBA-së, Donald Trump është shprehur gjatë fjalimit të tij në OKB se Shtetet e Bashkuara të Amerikës janë plotësisht kundër thirrjeve për një ngadalësim global të inteligjencës artificiale, duke përsëritur në vend të kësaj deklaratën e tij se kushdo që fiton në zhvillimin e inteligjencës artificiale, është i fituar.

“Nuk do ta pengoj rritjen e diçkaje që do të jetë më e madhe se revolucioni industrial. Shumë thonë se është më e madhe se revolucioni industrial ose vetë internet”, tha Trump.

Po ashtu gjatë fjalimit të tij presidenti amerikan njoftoi planin e tij për t'iu referuar IA-së si “Super Inteligjencë", duke arsyetuar se ky term tingëllon më mirë dhe më saktë.

“Çdo teknologji e re dhe e madhe sjell sfida dhe super inteligjenca nuk bën përjashtim”, shtoi ai.

Administrata Trump do të organizojë një aktivitet të nivelit të lartë mbi inteligjencën artificiale në margjinat e Asamblesë së Përgjithshme të OKB-së këtë javë.

Kjo vjen në një kohë kur një numër gjithnjë e në rritje ligjvënësish, ish-punonjësish të IA-së dhe madje edhe drejtuesish në kompanitë kryesore të IA-së kanë paralajmëruar për rritjen e shpejtë të industrisë. Disa kompani kryesore, të tilla si Anthropic dhe OpenAI, i kanë bërë thirrje publikisht Kongresit të vendosë rregullore kombëtare të sigurisë në mënyrë që të ngadalësojë ritmin e zhvillimit. /CNA