Një ‘fenomen normal’ e konideroi deputeti socialist Fatmir Xhafa aksionin e SPAK në kuadër të të cilit u caktua arrest shtëpie për shefen e SHISH, Vlora Hyseni dhe u kontrollua banesa e ish-drejtorit të policisë, Ilir Proda për lidhje me Ergys Agasin.
Duke iu përgjigjur kërkesës së Ivi Kasos për ndryshimin e kalendarit të komisionit për ‘Nismat Qytetare’, Xhafa tha se nuk ka përse të bëhet diçka e tillë duke i konsideruar zhvillimet e fundit si krejt normale për një shtet demokratik.
“Shenjë e forcimit të shtetit të së drejtës, tregues i qartë i pjekurisë së institucioneve. Kjo që po shohim sot është ajo që ndodh rëndomtë në botën normale, vendet demokratike ku vepron shteti i së drejtës. Këtë e shohim edhe në SHBA. Fenomene të tilla janë normale për një shtet të konsoliduar, shtet të së drejtës”- tha Xhafa mes të tjerash. Versus.al
