Arrestimi i Vlora Hysenit: Mazhoranca nuk rrezikon pushtetin, e vetmja shpresë ndërkombëtarët

Gazetari Arjon Sulo ka qenë i ftuar këtë të martë në Now me Erla Mëhillin. Sulo ka komentuar arrestimin e Vlora Hysenit në kuadrin politik. Sipas tij, e vetmja shpresë janë ndërkombëtarët për të rrëzuar pushtetin e mazhorancës.

“Nuk ka diskutim më, ka rënë, është varrosur pushteti. Kjo s’ka më diskutim. Duhet të ishte varrosur. Tani shpresa e vetme, nga politika e brendshme nuk besoj se ka ndonjë reaksion politik që do të arrijë në rrezik të mazhorancën. Nuk është as opozita, as protesta. Nuk është konjuktura e tillë që ta rrezikojë mazhorancën. Sistemi i Ramës është shumë i fuqishëm. Shpresa e vetme janë ndërkombëtarët. Nuk besoj se është pa dijeninë e partnerëve ky arrestim i sotëm. Mendoj që SHBA ka dhënë veton për arrestimin e Hysenit”, tha Sulo.