Policia e Dibrës ka vijuar kontrollet intensive në të gjitha akset rrugore të qarkut, duke përdorur dronë, radarë dhe makina inteligjente, me qëllim parandalimin e aksidenteve rrugore dhe menaxhimin e trafikut.
Sipas njoftimit të Policisë, gjatë periudhës 1-21 shtator 2026, janë arrestuar 4 shtetas, ndërsa një tjetër është proceduar penalisht në gjendje të lirë, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.
Ndërkohë, gjatë kësaj periudhe janë vendosur gjithsej 2,506 masa administrative për shkelje të ndryshme të Kodit Rrugor.
Njoftimi i Policisë:
Policia Rrugore Dibër/Monitorim intensiv me dron, radar dhe makina inteligjente në të gjitha akset e qarkut, për parandalimin e aksidenteve rrugore dhe menaxhimin e trafikut.
Ndër fokuset e punës së Policisë Rrugore Dibër janë parandalimi aksidenteve, evidentimi dhe ndëshkimi i drejtuesve të mjeteve që drejtojnë automjetin nën efektin e alkoolit ose në gjendje të dehur, pa leje drejtimi, tejkalojnë normat e shpejtësisë, kryejnë parakalime të gabuara, përdorin celularin gjatë drejtimit të mjetit, nuk vendosin rripin e sigurimit apo qarkullojnë me xhama të riveshur.
Si rezultat i monitorimit, gjatë periudhës 01–21 shtator 2026, janë arrestuar 4 shtetas dhe është proceduar penalisht në gjendje të lirë 1 tjetër, për veprat penale “Drejtimi i automjeteve në mënyrë të parregullt” dhe "Shkelja e rregullave të qarkullimit rrugor".
Gjithashtu, gjatë kësaj periudhe, janë vendosur gjithsej 2506 masa administrative për shkelje të ndryshme të Kodit Rrugor, konkretisht:
523 masa për parakalime të gabuara;
14 masa për drejtim mjeti nën efektin e alkoolit;
395 masa për mosvendosjen e rripit të sigurimit;
45 masa për përdorimin e celularit gjatë drejtimit të mjetit;
265 masa për mosvendosjen e kaskës mbrojtëse;
28 masa për qarkullim me xhama të riveshur;
847 masa për ndalim/qëndrim të gabuar;
389 masa për shkelje të tjera të Kodit Rrugor.
Kontrollet nga Policia Rrugore Dibër do të vijojnë në të gjitha akset e qarkut dhe apelon për të gjithë drejtuesit e mjeteve të zbatojnë me rigorozitet rregullat e qarkullimit rrugor, të kontribuojnë në parandalimin e aksidenteve dhe rritjen e sigurisë rrugore.
Sondazh
Lexo gjithashtu
