Një aksident rrugor është shënuar në rrugën që të çon drejt Voskopojës në Korçë.
Mësohet se dy mjete janë aksidentuar me njëra-tjetrën në afërsi të fshatit Voskop.
Nga vendngjarja bëhet me dije se të plagosura kanë mbetur dy pasagjere të cilat janë transportuar drejt spitalit të Korçës.
Mësohet se dy të lënduarat ndodhen jashtë rrezikut për jetën.
Në vendngjarje ndodhet policia dhe po bën zbardhjen e plotë të rrethanave të aksidentit.
