Ish-zyrtari amerikan: Specialja nuk i shqyrtoi siç duhet provat, shpresoj që Apeli të ndryshojë vendimin

Ish-zyrtari amerikan Jason Steinbaum ka deklaruar se Kosova nuk duhej të themelonte Gjykatën Speciale.

Duke komentuar dënimin me 81 vjet burgim në total për katër ish-krerët e Ushtrisë Çlirimtare të Kosovës, Steinbaum tha për Euronews Albania se Gjykata Speciale nuk i ka shqyrtuar siç duhet provat në këtë proces.

Sipas tij, që prej themelimit të saj, gjykata është perceptuar si një institucion që kishte në fokus ish-liderët e UÇK-së, ndërsa nuk ka ndjekur në të njëjtën mënyrë përgjegjësit për krimet e kryera gjatë luftës në Kosovë.

“Mund ta kishim bërë. Kjo gjykatë nuk duhej ngritur. Mund të ishte bërë, mund të ishte trajtuar nga sistemi gjyqësor i Kosovës dhe ne duhet t’i tregonim Kosovës se kishim besim tek sistemi i saj i drejtësisë, se kishim besim te institucionet e saj në mënyrë që ta bënte ajo procesin”, është shprehur Steinbaum.

Ai shtoi se gjykata mund të kishte ndjekur penalisht edhe persona serbë të dyshuar për krime gjatë luftës në Kosovë.

“Kur gjykata u ngrit, u kuptua se ajo do të shkonte vetëm në drejtim të liderëve të UÇK-së dhe gjykata mund të kishte përndjekur edhe serbët që kryen pjesën dërmuese të krimeve gjatë luftës në Kosovë. Pra, duke mos e bërë këtë, njerëzit arrijnë në përfundimin se gjykata kishte një qëllim për të dënuar ish-krerët e UÇK-së dhe jo ata që kryejnë krimet gjatë luftës”, ka deklaruar ai.

Sa i përket vendimit të dhënë ndaj ish-krerëve të UÇK-së, Steinbaum tha se shpreson që çështja të rishikohet në Apel dhe se mbrojtja duhet të ngrejë pretendimin se provat nuk janë shqyrtuar siç duhet.

“Shpresoj që në apel kjo do të jetë një çështje që mbrojtja duhet ta ngrejë. Gjykata nuk i ka shqyrtuar si duhet provat dhe shpresoj që gjyqtarët në apel të thonë se po, ky ishte një gabim dhe që të ketë gjasa që dënimi të kthehet”, tha ai.

Deklaratat e Steinbaum vijnë pas vendimit të Dhomave të Specializuara të Kosovës në Hagë, ndërsa çështja tashmë pritet të vijojë në procedurat e apelit.

“Kjo Gjykatë nuk e njeh pafajësinë”, deputeti i PDK: Kërkojmë ndryshim të Dhomave Speciale, t’i kthehet mandatit fillestar

18:40 Rajoni 2 komente

Spanja mund të pengojë integrimin e Malit të Zi në BE

15:50 Rajoni 2 komente

Diaspora në këmbë, protestë në Gjermani kundër dënimit të çlirimtarëve

14:30 Rajoni 3 komente

Çfarë parashikon nisma e PDK-së për ndryshime në ligjin për Specialen?

08:50 Rajoni

Kurti takohet me Erdogan në Nju Jork: Folëm për vendimin e padrejtë ndaj ish-krerëve të UÇK-së

08:34 Rajoni 10 komente

Çitaku: Nëse VV mbështet ligjin për Specialen, PDK tërheq menjëherë ankesat në Kushtetuese

08:11 Rajoni 6 komente

Milo: Ja si e binda Hashim Thaçin bashkë me Hill të nënshkruante marrëveshjen e Rambujesë

22:40 Rajoni 16 komente

Pretendoi se persona të maskuar i sulmuan, 27-vjeçari pranon vrasjen e ish të dashurës në Greqi, plagosi veten që t’i shpëtonte policisë

22:30 Rajoni 7 komente

Hill flet për pasojat nëse Kosova kërkon të zhbëjë Gjykatën Speciale të Hagës

21:31 Rajoni 21 komente

Protestat kundër vendimit të Gjykatës Speciale vijojnë në Prishtinë, qytetarët mblidhen për të gjashtën ditë

21:20 Rajoni 1 koment