Këngëtarja e njohur Flaka Krelani ka surprizuar ndjekësit me ndryshimin e fundit në pamjen e saj.
Artistja ka publikuar në Instagram disa fotografi ku shfaqet me një look të ri, i cili tërhoqi menjëherë vëmendjen dhe shkaktoi reagime të shumta në rrjetet sociale.
Komentet e ndjekësve kanë qenë të ndryshme. Ndërsa disa e kanë komplimentuar për paraqitjen e re, të tjerë e kanë kritikuar, duke e akuzuar për “blackfishing”.
Një prej komentuesve madje e ka krahasuar me këngëtaren e njohur amerikane Ciara, duke i shkruar se i ngjan artistes.
Megjithatë, një pjesë e konsiderueshme e reagimeve kanë qenë kritike, ku disa ndjekës kanë ngritur pikëpyetje për pamjen e re të Krelanit dhe e kanë lidhur atë me termin “blackfishing”.
“Blackfishing” është një term i përdorur kryesisht në rrjetet sociale për të përshkruar rastet kur një person që nuk është me origjinë afrikane ndryshon ose përshtat në mënyrë të dukshme pamjen e tij për t’u perceptuar si person me ngjyrë, veçanërisht me origjinë afrikane.
Termi është bërë pjesë e debateve të shumta në rrjetet sociale dhe lidhet shpesh me diskutimet mbi përvetësimin kulturor, veçanërisht kur persona të caktuar perceptohen se përvetësojnë elemente të një kulture tjetër pa pasur lidhje të drejtpërdrejtë me të.
Ndryshimi i fundit i Flaka Krelanit ka rikthyer pikërisht këtë debat, duke ndarë ndjekësit mes atyre që e kanë pëlqyer pamjen e saj të re dhe kritikëve që kanë ngritur akuza për “blackfishing”.
