Sulmet me dronë gjatë ditës së sotme ndërprenë shërbimin e internetit për rreth 100 mijë familje në kryeqytetin e Ukrainës, Kiev dhe në rajonin përreth, tha Ministria e Transformimit Digjital.
Ministria e Mbrojtjes e Rusisë, në një postim në Telegram, tha se forcat e saj kishin nisur sulme ndaj një numri qendrash të të dhënave, si dhe objekteve të logjistikës dhe magazinimit, të cilat sipas saj, po përdoreshin në mbështetje të ushtrisë ukrainase.
Ministria identifikoi dy qendra të të dhënave që u goditën në Kiev, si dhe dy qendra logjistike në portin e Odesës, në Detin e Zi. Ministri i Jashtëm ukrainas, Andrii Sybiha, tha se sulmet ndaj qendrave të të dhënave rrezikuan jetën e njerëzve.
“Rusia ka shënjestruar qendrat kryesore të të dhënave të Ukrainës, duke kërkuar të ndërpresë rrjedhën e informacionit. Alarmet e shpejta në lidhje me kërcënimet me raketa dhe dronë janë thelbësore - ato shpëtojnë jetë”, shkroi ai në X.
Sondazh
Lexo gjithashtu
