Dy persona nga Tirana janë ndaluar nga shërbimet e Policisë Kufitare Sarandë, pasi janë konstatuar duke transportuar pesë shtetas kinezë, të cilët dyshohet se synonin të kalonin ilegalisht kufirin drejt Greqisë.
Sipas burimeve nga Policia Kufitare Sarandë, gjatë kontrolleve në këtë aks u konstatuan dy automjete taksi.
Në automjete ndodheshin drejtuesit Erald Islamaj, 26 vjeç, dhe Armand Zekaj, 45 vjeç, të dy banues në Tiranë.
Gjatë kontrollit, në dy mjetet u gjetën pesë shtetas kinezë, të moshave 38 deri në 55 vjeç.
Sipas të dhënave paraprake, dy drejtuesit e taksive po i transportonin shtetasit kinezë në drejtim të kufirit me Greqinë.
