Elvis Lila komandohet në krye të SHISH pas shkarkimit të Vlora Hysenit

Kryeministri Edi Rama ka firmosur urdhrin për delegimin e përkohshëm të kompetencave administrative të Drejtorit të Shërbimit Informativ të Shtetit (SHISH) te Drejtori i Departamentit Operativ, Elvis Lila.

Lila është ngarkuar përkohësisht me ushtrimin e kompetencave të kreut të institucionit pas shkarkimit të Vlora Hysenit.

Ky urdhër ka hyrë në fuqi dhe është botuar në Fletoren Zyrtare.

Vendimi vjen pasi ndaj Vlora Hysenit është caktuar masa e sigurisë “arrest në shtëpi”, në kuadër të një hetimi të SPAK. Hyseni ishte emëruar në krye të SHISH në prill 2023 dhe, deri përpara shkarkimit, drejtonte institucionin.