Te fundit
Gjermania mbështet Gjykatën Ndërkombëtare Penale, pavarësisht presionit të Donald Trump
23 Shtator 2026, 15:15Bota
TEMA
Ministri i Jashtëm gjerman Johann Wadephul ka kundërshtuar thirrjen e presidentit amerikan Donald Trump që vendet anëtare të largohen nga Gjykata Ndërkombëtare Penale (GJNP), duke deklaruar se Gjermania do të vazhdojë ta mbështesë institucionin me seli në Hagë.
Në një intervistë për transmetuesin publik gjerman Deutschlandfunk, Wadephul tha se GJNP-ja është pjesë e rendit ndërkombëtar të bazuar në rregulla dhe e historisë së qytetërimit evropian.
Ai theksoi se qëndrimi i Gjermanisë ndaj gjykatës është i qartë dhe se Berlini do të vazhdojë të qëndrojë pranë saj.
Reagimi i ministrit gjerman erdhi pasi Trump, gjatë fjalimit në Asamblenë e Përgjithshme të OKB-së në Nju Jork, e kritikoi ashpër Gjykatën Ndërkombëtare Penale dhe u bëri thirrje vendeve anëtare që të tërhiqen nga institucioni.
Wadephul tha se nuk e kupton në thelb këtë kërkesë dhe e cilësoi si një nga çështjet ku, sipas tij, ka dallime të rëndësishme me politikën e administratës amerikane.
Sipas ministrit gjerman, GJNP-ja ka një rol të rëndësishëm në mbrojtjen e së drejtës ndërkombëtare dhe të të drejtave të njeriut, si dhe në vendosjen e përgjegjësisë për krime lufte dhe krime kundër njerëzimit.
Duke iu referuar zhvillimeve në Ballkanin Perëndimor, Wadephul nënvizoi se përvoja e rajonit tregon rëndësinë e mekanizmave ndërkombëtarë të drejtësisë për trajtimin e shkeljeve të rënda të së drejtës ndërkombëtare.
Shtetet e Bashkuara nuk janë shtet palë në GJNP. Gjatë administratës Trump, Washingtoni ka ndërmarrë masa ndëshkuese ndaj gjykatës dhe disa prej zyrtarëve të saj.
Përplasjet mes administratës amerikane dhe GJNP-së u shtuan veçanërisht pas nëntorit 2024, kur gjykata lëshoi urdhër-arreste për kryeministrin izraelit Benjamin Netanyahu dhe ministrin e atëhershëm të Mbrojtjes, Yoav Gallant, lidhur me akuza për krime lufte dhe krime kundër njerëzimit në kuadër të situatës në Gaza.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Pa diskutim e mbeshtet, sepse e perdor politikisht, ashtu sic po perdoren edhe cdrejtesia tek ne nga keta "partnere" sipas tekave te tyre kur kapin ngerc per ndonje tender qe nuk u jepet atyre.
Te drejte kane gjermanet ....ves te heqin nga kushtetuta e tyre qe asnje shtetas gjermane nuk dorezohet nese kerkohet nga gjykata nderkombetare dhe nga gjykata shteteve te tjera , duke perfshite dhe ato partnere ...pastaj jemi ne regull , jo per gje por eshte kerkuar oficer madhor gjerman , kriminel i Luftes se Dyte Boterore dhe gjermnet nuk e dorezuan kurre , ne kete moment mbizoteron ipokrizia....jo dy masa dhe dy qendrime , por nje ligj i perbshket per te gjithe ....