Vijon prej mbrëmjes së djeshme zjarri në Gjirin e Lalëzit, zjarrfikësit nuk arrijnë ta shuajnë
Prej mbrëmjes së djeshme, një vatër zjarri vijon të jetë aktive në zonën e Gjirit të Lalëzit, ndërsa përpjekjet për shuarjen e flakëve ende nuk kanë sjellë vënien e plotë të situatës nën kontroll.
Dhjetëra zjarrfikës dhe 11 mjete janë angazhuar gjatë gjithë natës për izolimin e zjarrit. Megjithatë, pas orësh ndërhyrjeje, flakët vijojnë në zonën e pyllëzuar kodrinore, duke ngritur pikëpyetje mbi efektivitetin e operacionit dhe mënyrën se si po menaxhohet situata në terren.
Terreni i vështirë është një prej faktorëve që e komplikon ndërhyrjen, por fakti që zjarri vijon aktiv pas një nate të tërë pune tregon se operacioni ende nuk ka arritur objektivin kryesor, shuarjen dhe izolimin e plotë të vatrës.
Gjiri i Lalëzit është një prej zonave më të frekuentuara të vendit, ç’ka e bën situatën edhe më shqetësuese.
/vizionplus.tv
