Presidenti i Republikws, Bajram Begaj, dekretoi shkarkimin e drejtoreshws sw SHISH, Vlora Hyseni, pasi kryeministri Edi Rama kishte njoftuar mw herwt vendimin pwr largimin nga detyra tw saj. Nga Nju Jorku ku ndodhet për të marrë pjesë në Asamblenë e Përgjithshme të OKB-së, kryeministri Edi Rama deklaroi gjithashtu se nuk e shikon këtë zhvillim si një akt-akuzë për shumicën e majtë qeverisëse. Pafajësia ose fajësia e një bashkëpunëtori të vendosur nën akuzë është një çështje individuale përballë prokurorisë e gjykatës dhe kjo shumicë qeverisëse me mua në krye, i mbetet besnike këtij qëndrimi duke mos hyrë në meritën e asnjë çështjeje të drejtësisë dhe duke mos bërë avokatinë e askujt që përballet me drejtësinë. Lirimi nga detyra i drejtores së shërbimit është i menjëhershëm, e sapo të kthehem në Tiranë dhe në konsultim me Presidentin e Republikës, do të zgjedhim drejtuesin e ri të Shërbimit Informativ të Shtetit. Pres thotë kryeministri në reagim që çdo dyshim i organit të akuzës të hetohet dhe zbardhet deri në fund përmes procesit të pavarur gjyqësor.