Drejtoresha e SHISH, Vlora Hyseni është rikthyer në Shqipëri mbrëmjen e së martës. Ajo ndodhej në një vizitë pune në Baku të Azerbajxhanit, ku merrte pjesë në një konferencë me drejtues të shërbimeve informative nga vende të ndryshme. Hyseni ishte nisur drejt Bakusë më 20 shtator, ndërsa të hënën, më 21 shtator, ka mbërritur në Prishtinë. Këtë të martë, kur është njohur me vendimin e Spak për “masën e arrestit në shtëpi”, mësohet se Hysni ka njoftuar policinë e Kosovës kur është informuar se autoritetet shqiptare i kishin kërkuar policisë në Kosovë që të nisnin kontrollet. Hyseni ka kërkuar që të shoqërohet drejt pikës kufitare të Morinit. Aty më pas është pritur nga policia shqiptare dhe është shoqëruar drejt banesës së saj. Sipas protokollit drejtuesi i shërbimit informativ shtetëror nuk regjistrohet në sistemin TIMS kur hyn dhe del nga territori i Shqipërisë.