Plagosja me thikë tek ‘Petro Nini’/ Arrestohet autori, 49-vjeçari në gjendje të rëndë

Kreshnik Cara, 49 vjeç, është personi që mbeti i plagosur me thikë mbrëmjen e kësaj të mërkure pranë gjimnazit “Petro Nini” në Tiranë.

49-vjeçari ndodhet në sallën e operimit në gjendje të rëndë, pasi ka marrë disa goditje me thikë, mes tyre edhe në pjesën abdominale.

Ndërkohë, autori i dyshuar i plagosjes, i identifikuar si T. N, 50 vjeç, është arrestuar nga policia.

Nga veprimet e deritanishme hetimore dyshohet se 50-vjeçari ka plagosur me mjet prerës 49-vjeçarin, pas një konflikti për motive të dobëta.

Ai ishte larguar nga vendi i ngjarjes pas konfliktit, ndërsa shërbimet e policisë kishin ngritur pika kontrolli për kapjen e tij.

Tiranë

Plagosi me mjet prerës 49-vjeçarin, falë reagimit të menjëhershëm të shërbimeve të Policisë, kapet dhe vihet në pranga autori i dyshuar.

Shërbimet e Policisë, menjëherë pas marrjes së njoftimit se në rrugën “Marko Boçari” ishte dëmtuar me mjet prerës shtetasi K. C., 49 vjeç, shkuan në vendngjarje për të sqaruar autorësinë dhe rrethanat e rastit.

Si rezultat i reagimit të menjëhershëm dhe veprimeve të shpejta hetimore e operacionale, u identifikua, u kap dhe u vu në pranga autori i dyshuar, shtetasi T. N., 50 vjeç.

Nga veprimet e deritanishme hetimore dyshohet se 50-vjeçari ka plagosur me mjet prerës 49-vjeçarin, pas një konflikti për motive të dobëta.

I dëmtuari ndodhet në spital, nën kujdesin e mjekëve.

Materialet procedurale iu referuan Prokurorisë, për veprime të mëtejshme.