Aktorja e njohur turke Hande Erçel ka tërhequr vëmendjen gjatë Javës së Modës në Milano, ku u shfaq me një fustan të bardhë që theksonte elegancën dhe stilin e saj.

E njohur për rolet e saj në televizion, por edhe për paraqitjet në eventet më të rëndësishme të modës, Erçel ishte ndër figurat që spikatën mes të ftuarve në eventin prestigjioz.

Aktorja zgjodhi një fustan të bardhë të kombinuar me një korse dhe aksesorë minimalistë, ndërsa flokët e lëshuar i dhanë pamjes një tjetër element elegance. Zgjedhja e saj u komentua pozitivisht nga adhuruesit e modës, të cilët vlerësuan linjat e thjeshta dhe pamjen e kuruar pa teprime.

Paraqitja e Erçel në Milano vjen në një periudhë kur aktorja është kthyer në një prej emrave më të komentuar jo vetëm për aktivitetin e saj në ekran, por edhe për stilin dhe prezencën në skenën ndërkombëtare të modës.

Me pjesëmarrjen në evente të njohura të industrisë, Hande Erçel vijon të forcojë profilin e saj si një prej figurave turke më të pranishme në aktivitetet ndërkombëtare të modës.