Plagosja me thikë në Tiranë/ Arrestohet autori

Policia ka reaguar lidhur me plagosjen e ndodhur mbrëmjen e sotme në Tiranë. Sipas informacioneve, ngjarja ka ndodhur në rrugën “Marko Boçari” ku u plagos me mjet prerës shtetasi K. C., 49 vjeç.

Bëhet me dije se pas mbërritjes në vendngjarje, policia ka arrestuar autorin e dyshuar, shtetasin T. N., 50 vjeç.

Ngjarja ka ndodhur pas një konflikti për motive të dobëta. Policia njofton po ashtu se i dëmtuari ndodhet në spital, nën kujdesin e mjekëve.

Njoftimi i policisë:

Tiranë

Plagosi me mjet prerës 49-vjeçarin, falë reagimit të menjëhershëm të shërbimeve të Policisë, kapet dhe vihet në pranga autori i dyshuar.

Shërbimet e Komisariatit të Policisë Nr. 2, menjëherë pas marrjes së njoftimit se në rrugën “Marko Boçari” ishte dëmtuar me mjet prerës shtetasi K. C., 49 vjeç, shkuan në vendngjarje për të sqaruar autorësinë dhe rrethanat e rastit.

Si rezultat i reagimit të menjëhershëm dhe veprimeve të shpejta hetimore e operacionale, u identifikua, u kap dhe u vu në pranga autori i dyshuar, shtetasi T. N., 50 vjeç.

Nga veprimet e deritanishme hetimore dyshohet se 50-vjeçari ka plagosur me mjet prerës 49-vjeçarin, pas një konflikti për motive të dobëta.

I dëmtuari ndodhet në spital, nën kujdesin e mjekëve.

Materialet procedurale iu referuan Prokurorisë, për veprime të mëtejshme. /CNA