Cristiano Ronaldo ka folur para mediave si kapiten i Portugalisë, duke dhënë një sinjal të fortë për të ardhmen e tij me kombëtaren.
Në moshën 41-vjeçare, ylli portugez pranoi se nuk e di se kur do të vijë momenti i tërheqjes.
“Do të doja ta dija përgjigjen, por nuk e di. Është shumë e mundur që ky të jetë viti im i fundit”, deklaroi Ronaldo.
Ai shtoi se do ta bëjë publike vetëm kur të jetë afër ndeshjes së tij të fundit me Portugalinë.
Ronaldo tha se aktualisht ka dy objektiva kryesorë: të shënojë golin e 1000-të dhe të fitojë Ligën e Kombeve.
“Synimi im është i dyfishtë: goli i 1000-të dhe fitimi i Ligës së Kombeve”, u shpreh kapiteni portugez.
Sa i përket Euro 2028, Ronaldo theksoi se nuk dëshiron të mendojë shumë larg.
“Po mendoj vetëm për të tashmen”, tha ai, duke pranuar se disa njerëz dëshirojnë ta shohin të largohet që tani.
Megjithatë, motivimi i tij vjen pikërisht nga njerëzit që duan ta shohin ende në fushë.
Ronaldo foli edhe për objektivin e 1000 golave, duke u shfaqur i bindur se do ta arrijë.
“E di që do ta arrij, por nuk është një fiksim. Pjesa tjetër ka të bëjë me shijimin e lojës”, deklaroi ai.
Kapiteni portugez foli edhe për kritikat që ka marrë gjatë karrierës dhe tha se tashmë është mësuar me to.
Ndërkohë, Ronaldo vlerësoi punën e Roberto Martinez dhe u shpreh optimist për bashkëpunimin me trajnerin e ri të Portugalisë, Jorge Jesus.
