Ish-drejtuesi i SHISH, Fatos Klosi, ka reaguar për herë të parë në një lidhje direkte në emisionin “Top Story”, lidhur për masën e sigurisë të vendosur ndaj Vlora Hysenit dhe akuzat që rëndojnë mbi të. Gjatë lidhjes direkte, ajo që u vu re ishte zëri i ngjirur i Klosit, i cili dukej i lodhur dhe në gjendje jo të mirë shëndetësore.
Gjatë fjalës së tij, ai theksoi se pozicioni që ka mbajtur Vlora Hyseni dhe natyra e informacionit që mund të ketë pasur në dispozicion mund të kenë qenë ndër elementët e marrë në konsideratë për masën e sigurisë.
Ndërkohë ai u tregua i rezervuar për të dhënë një vlerësim nëse në këtë rast është cenuar apo jo siguria kombëtare, duke theksuar se për këtë nevojiten më shumë të dhëna nga hetimi.
Fjala e plotë:
SPAK e ka vendosur dhe e ka aprovuar gjykata speciale me arrest shtëpie, e konsiderohet fajtore. Natyrisht e padënuar, pezullimi i pafajësisë është parim shumë i përgjithshëm. Për rastin e saj meqë është një punonjëse me shumë gjëra në dorë, sekrete shtetërore, i kanë vendosur shkurt që ta mbajë në arrest shtëpie, në kontroll në një farë mënyre. Nuk e di sa janë këto që qëndrojnë, varet shumë nga fakti çfarë është konkretisht. Nuk e di të jap mendim tani nëse është cenuar siguria kombëtare apo jo, se nuk e di. Të dëgjojmë gjëra që pastaj mund të thuhen më qartë. Të shohim çfarë ka ndodhur dhe çfarë lloj informacionesh ka prokuroria. Një ditë do dalin dhe mund të thuash e ka cenuar apo se ka cenuar. Prokuroria ka opinionin e vet, i quan shkelje të ligjit. Institucionet nuk janë njerëz që janë përkohësisht në detyrë se të gjithë njerëzit përkohësisht janë në detyrë dhe cenojnë sigurinë e institucionit. Natyrisht që nuk është mirë, por mund të thuash që e pëson institucioni. Do vijë një tjetër dhe do të marrë masat e nevojshme, do të nxjerrë mësime nga kjo që ka ndodhur për të mos u përsëritur më.
Sondazh
Lexo gjithashtu
