Te fundit
Presidenti sirian thumbon Trumpin: Pse nuk ia jepni New Jerseyn izraelitëve?
24 Shtator 2026, 09:10Bota
TEMA
Presidenti i Sirisë, Ahmed al-Sharaa, ka rrëfyer një bisedë të pazakontë me presidentin amerikan Donald Trump, gjatë një aktiviteti të Këshillit Atlantik në Nju Jork, në kuadër të Asamblesë së Përgjithshme të Kombeve të Bashkuara.
Al-Sharaa tha se gjatë një takimi në Shtëpinë e Bardhë, Trump i kishte thënë se Lartësitë e Golanit i përkasin Izraelit. Presidenti sirian tregoi se i ishte përgjigjur me një batutë, duke e pyetur pse Shtetet e Bashkuara nuk ia jepnin Izraelit New Jersey-n.
Duke shpjeguar krahasimin, al-Sharaa theksoi se Trump nuk ka të drejtë të vendosë për sovranitetin mbi Golanin. “Trumpi nuk zotëron Lartësitë e Golanit”, tha ai, duke përsëritur qëndrimin e Damaskut se territori është pjesë e shtetit të Sirisë.
“Pallati presidencial është bombarduar dy herë. Edhe aeroportet tona janë goditur. A do t’u sjellë kjo siguri qytetarëve izraelitë?”, deklaroi al-Sharaa.
Sipas tij, Siria ka zgjedhur rrugën e dialogut dhe gjatë vitit të fundit ka zhvilluar negociata të drejtpërdrejta me Izraelin. Al-Sharaa pretendoi se palët kishin avancuar deri në rreth 90 për qind të një marrëveshjeje për një kornizë sigurie, përpara se negociatat të ndërpriteshin dhe të shfaqeshin kërkesa të reja.
Ai tha se Damasku mbetet i gatshëm të rikthehet në tryezën e bisedimeve, por kërkoi që fillimisht Izraeli të tërhiqet nga territoret në jug të Sirisë. Vetëm pas kësaj, sipas tij, duhet të diskutohen marrëveshjet e sigurisë.
Al-Sharaa përsëriti në fund qëndrimin e Sirisë se Lartësitë e Golanit janë territor sirian dhe se statusi i tyre territorial nuk është një çështje që Damasku e konsideron të negociueshme.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Lartesite e Golanit jane toka te pushtuara nga izraeli dhe nuk mund te behen kurre pjese e territorit Izraelit. Nje dite ata do te duhen te largohen si nga lartesite Golan ashtu dhe nga fermat e Shebas te Libanit qe i mbajne te pushtuara per me shume se 50 vite. Do vije shume shpejt dita qe Sionistet do te terhiqen brenda kufirit te tyre te njohur nderkombetarisht duke u terhequr nga te gjitha tokat e pushtuara Palestineze, Siriane dhe Libaneze.