Policia e Vaut të Dejës ka arrestuar në flagrancë një 50-vjeçar, i cili dyshohet se u kap duke u kujdesur për bimë narkotike. Sipas njoftimit të policisë, në pranga ka rënë shtetasi M. D., 50 vjeç, banues në Shkodër.
Nga hetimet e kryera dyshohet se 50-vjeçari kishte kultivuar 143 bimë të dyshuara narkotike Cannabis Sativa, në fshatin Vilë. Bimët e dyshuara narkotike u asgjësuan nga policia me anë të djegies.
Njoftimi i Policisë:
Vau Dejës/Vijon operacioni i koduar “Territor i Pastër”, kundër kultivimit të bimëve narkotike.
Vihet në pranga një shtetas, pasi dyshohet se ka kultivuar 143 bimë të dyshuara narkotike Cannabis Sativa, në fshatin Vilës.
Shërbimet e Komisariatit të Policisë Vau Dejës, si rezultat i kontrolleve intensive në terren, dhe i informacioneve të siguruara në rrugë operative, në kuadër të operacionit të koduar “Territor i Pastër”, për evidentimin dhe goditjen e rasteve të kultivimit të bimëve narkotike, si dhe për identifikimin dhe kapjen e autorëve, goditën një rast të kësaj veprimtarie kriminale ku arrestuan në flagrancë shtetasin:
M. D., 50 vjeç, e banues në Shkodër.
Nga veprimet hetimore të kryera, dyshohet se ky shtetas, ka kultivuar 143 bimë të dyshuara narkotike Cannabis Sativa, në fshatin Vilës.
Bimët e dyshuara narkotike u asgjësuan me anë të djegies.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Sondazh
Lexo gjithashtu
