Skandali i SHISH-it/ Këlliçi në Kuvend: Nuk është çështje partiake, të mos harrohet interesi kombëtar

Deputeti dhe nënkryetari i PD-së, Belind Këlliçi, deklaroi sot në Kuvend se çështja e lidhur me SHISH-in meriton vëmendje të veçantë në seancën plenare.

Sipas Këlliçit, kjo nuk është as çështje politike dhe as partiake, por çështje e shtetit shqiptar.

Më tej, demokrati theksoi se parlamenti nuk duhet të harrojë interesin kombëtar, kur bëhet fjalë për ngjarje të tilla.

“Nuk është çështje politike kjo sot. Nuk është çështje partiake, por e shtetit shqiptar. Një çështje që duhet të të kishte ngritur ty të parin në këmbë. Je numri dy i shtetit. Madje duhet të kishim bërë edhe seancë pa kamera sot këtu, për të folur me njëri-tjetrin. Harrohet të përmendet një herë të vetme interesi kombëtar. Kjo do të duhet të na bëjë të reflektojmë mbi qëndrimet që kemi dhënë këtu, deklaratat që kemi mbajtur në këtë sallë të Kuvendit”,-tha Këlliçi./CNA