Regjistrohen tensione mes protestuesve dhe policisë në protestën e mbajtur sot para Kyvendit që në nisje të seancës parlamentare.
Protestuesit kanë tentuar të çajnë kordonin policor për t’iu afruar godinës së Parlamentit, por janë ndaluar nga forcat e rendit.
Gjatë përplasjes, efektivë të Forcave “Shqiponja” kanë shoqëruar disa protestues pranë selisë së Partisë Demokratike, ndërsa policia nuk ka lejuar kalimin e protestuesve në drejtim të Parlamentit përmes zonës pranë Xhamisë së Namazgjasë.
Pas përplasjes me policinë, protestuesit janë tërhequr nga zona dhe kanë vijuar grumbullimin e tyre në pika të tjera.
