Teksa Parlamenti është përfshirë nga tensionet dhe debatet, ndërsa jashtë Kuvendit vijon protesta, zhvillimet politike kanë marrë një tjetër dimension pas çështjes që lidhet me ish-drejtuesen e SHISH, Vlora Hyseni, dhe komunikimet e saj të raportuara me Ergys Agasin, i arrestuar me urdhër të SPAK.
Në këtë klimë të tensionuar politike, deputetja e Partisë Socialiste, Ilva Gjuzi, është shfaqur krejtësisht e qetë, duke bërë pazar online. Ndërsa në sallën e Kuvendit dhe jashtë saj zhvillohen përplasje politike, deputetja duket se e ka ndarë vëmendjen te blerjet online.
Pamjet vijnë në një moment kur debati publik është përqendruar te zhvillimet e fundit që prekin institucionet e sigurisë dhe akuzat e bëra në kuadër të hetimeve. Sjellja e deputetes ka tërhequr vëmendjen, duke u bërë pjesë e atmosferës së tensionuar politike të ditës.
