Zgjedhja e tre anëtarëve të KLGJ-së/ Ja 7 kandidatët në garë

Mbledhja e Përgjithshme e Gjyqtarëve ka nisur procedurën për zgjedhjen e tre anëtarëve të rinj të Këshillit të Lartë Gjyqësor.

Mbledhja do të zhvillohet më 25 shtator për zgjedhjen e tre anëtarëve të rinj të Këshillit të Lartë Gjyqësor.

Në kuadër të procesit janë prezantuar kandidatët që garojnë për përfaqësimin e niveleve të ndryshme të sistemit gjyqësor.

Për një vend që i takon Gjykatës së Lartë janë paraqitur kandidaturat e gjyqtarëve Arbena Ahmeti dhe Sandër Simoni.

Për përfaqësimin e Gjykatave të Apelit, në garë janë Igerta Hysi dhe Fatri Islamaj.

Ndërsa për përfaqësimin e Gjykatave të Shkallës së Parë, kandidaturat e prezantuara janë Matilda Llangozi, Brunilda Kadi dhe Manjola Xhaxho.

Në përfundim të procesit të votimit, do të zgjidhen tre anëtarët që do të përfaqësojnë këto nivele të gjyqësorit në Këshillin e Lartë Gjyqësor./ CNA