Tensionet në Kuvend nuk ndalen, opozita bllokon foltoren. Miratohet kalimi direkt në votim 24/09 13:11
Skema e ngjyrave
Madhësia e shkrimit
Deputeti Saimir Korreshi ka kërkuar llogari se pse presidenti Bajram Begaj nuk ka thirrur Këshillin e Sigurisë pasi shteti ka rënë, teksa theksoi se nuk bëhet fjalë për një histori rozë.
Sipas Korreshit, mesazhet e zbuluara mes ish-kreut të SHISH, Vlora Hysenit dhe Ergys Agasit, “i kanë fikur llambat parlamentit”.
“Kryeministrit duhet t’i themi që shtetit shqiptar sot i kanë fikur radarët, e kanë servirur në pjatë të krimit. Sot çdo njeri është në dorë të krimit. Vettingu, certifikatat, kush duhet të rrijë e ikë. Shteti ka rënë de facto sot. Ajo që ndodhi dje i ka fikur llambat parlamentit. Ajo që ndodhi dje i ka fikur llambat qeverisë që bën si qorre. Në më të paktën e mundshme është fajtore se ka zgjedhur njerëz të paaftë të lidhur drejtpërdrejt me krimin. Por i kanë zgjedhur një nga një me dorë për të mbajtur këtë shtet. Kur këtyre i kanë fikur llambat, Bajrami sot duhet të kishte thirrur sot Këshillin e Sigurisë. Ku është presidenti? Apo ka qenë ha fasule dhe ikni, si yp xhixhi edhe Bajrami kur ia çonte letrat në mëngjes Presidentit të Republikës për sigurinë kombëtare? Nuk është histori rozë kjo! Është e krijuar posaçërisht! Do të shohim kush tjetër e ka radhën”, tha Korreshi.
Top Channel
