Aktualisht, pas tensioneve dhe përplasjeve të sotme te Rruga e Elbasanit dhe para Kuvendit, protestuesit janë zhvendosur para godinës së Ministrisë së Brendshme. Protestuesit të gjithë njëzëri kërkojnë lirimin e personave që u shoqëruan gjatë tubimit të sotëm, të cilët newsbomb.al mëson se janë aktivistët: Kristjana Kola, Ferdez Onuzi, Edison Lika, Dritan Goxhaj dhe Eri Almetaj.
Pak minuta pasi protestuesit u zhvendosën në Rrugën e Elbasanit, në kryqëzim situata mes qytetarëve dhe efektivëve mësohet se vijon të jetë e tensionuar. Protestuesit shprehen se Policia po i provokon ata duke mos hequr gardhet metalike dhe duke mos iu liruar atyre rrugën për t’iu afruar Parlamentit.
Sakaq bëhet me dije se prej orësh po vijojnë shoqërimet e qytetarëve të cilët thuhet se kanë refuzuar shoqërimet e të tjerëve nga efektivët. Burime për mediat thonë se sot afërsisht janë shoqëruar rreth 10 qytetarë, ndërsa pritet që numri i të shoqëruarve të rritet për shkak të tensioneve.
Sondazh
Lexo gjithashtu
