Te fundit
SHBA investon 500 milionë dollarë për armët me lazer, janë përdorur kundër Iranit dhe karteleve meksikane
24 Shtator 2026, 13:25Bota
TEMA
Ushtria amerikane po investon rreth 500 milionë dollarë në zhvillimin dhe prodhimin e armëve lazer të gatshme për përdorim në fushën e betejës, ndërsa teknologjia ka nisur të përdoret kundër dronëve në Lindjen e Mesme dhe përgjatë kufirit jugor të SHBA.
Sipas ekspertëve të cituar nga “New York Post”, ushtria amerikane ka përdorur sisteme lazer në Ngushticën e Hormuzit për të goditur dronë dhe raketa lundruese. Këto sisteme konsiderohen një alternativë me kosto më të ulët ndaj armëve kinetike, si raketat.
Mark Neice, president i kompanisë Directed Energy Consultants, tha se sistemet lazer mund të gjurmojnë me saktësi një dron dhe të përqendrojnë rrezen në një pikë të caktuar për të dëmtuar sensorët ose për të shkatërruar objektivin. Teknologjia përdor energjinë nga gjeneratorë ose bateri, e cila shndërrohet në fotone dhe përqendrohet në një rreze të vetme.
Një nga sistemet e përmendura është HELIOS, një armë lazer me energji të lartë, e cila raportohet se përdor një rreze prej 60 kilovatësh. Sisteme të tjera po zhvillohen për të përballuar edhe dronë më të mëdhenj.
Një tjetër element i pazakontë është mënyra e kontrollit. Sipas ekspertit Jared Keller, disa sisteme përdorin kontrolle të ngjashme me ato të konsolave Xbox, duke shmangur zhvillimin e një pajisjeje krejtësisht të re për operatorët.
Në kufirin jugor, teknologjia është testuar kundër dronëve të lidhur me kartelet meksikane. Sipas materialit, të paktën 11 dronë janë rrëzuar gjatë këtyre testimeve.
Megjithatë, armët lazer kanë edhe kufizime. Ato funksionojnë më mirë në kushte të qarta atmosferike dhe mund të kenë vështirësi përballë tufave të mëdha me dronë. Për më tepër, sistemet e përdorura aktualisht në Lindjen e Mesme janë të mëdha dhe të rënda dhe kërkojnë instalim në anije luftarake.
Ekspertët theksojnë se këto sisteme, deri tani, nuk janë raportuar si të përdorura kundër objektivave njerëzorë.
Më të lexuarat
24 oret e fundit
Javen e fundit
Blog Tema
Lini një Përgjigje