I dha Ergys Agasit informacione sekrete/ Dalin sot para GJKKO ish-drejtoresha e SHISH dhe Fatjon Kalluci e Embro Sulejmani 24 Shtator, 08:46 ...
Berisha: Ky është parlamenti i Ergys Agasit, Vlora Hyseni shkarkonte secilin prej jush me porosi të tij! 24 Shtator, 10:49 ...
Tensionohet situata te Ministria e Brendshme, shoqërohen disa protestues, mes tyre Dritan Goxhaj 24 Shtator, 09:59 Protes...
Plagosja në Tiranë, arrestohet autori që goditi me thikë 49-vjeçarin 23 Shtator, 22:19 Plagosja me ...
Hollësi mbi të dhënat që dyshohet se janë zbuluar nuk janë bërë publike.
Ish-drejtoresha e Shërbimit Informativ të Shtetit (SHISH) në Shqipëri, Vlora Hyseni, ka hyrë në gjykatë, ku pritet të dalë para trupit gjykues si e dyshuar për veprat penale “zbulimi i të dhënave sekrete” dhe “përkrahja e autorit të krimit”.
Hyseni u shkarkua të martën nga detyra e drejtueses së shërbimit sekret të vendit, pasi gjykata urdhëroi vendosjen e saj në arrest shtëpiak, nën dyshimin se ka nxjerrë të dhëna të klasifikuara në kuadër të një hetimi më të gjerë për korrupsion.
Hollësi mbi të dhënat që dyshohet se janë zbuluar nuk janë bërë publike.
Por, sipas burimeve, të dhëna sekrete dyshohet se i janë dorëzuar Ergys Agasit, një prej biznesmenëve të përfshirë në hetimin lidhur me një rast korrupsioni në Agjencinë Kombëtare të Shoqërisë së Informacionit (AKSHI), ku po hetohen dyshime për veprimtari kriminale dhe manipulim të procedurave të prokurimit publik.
Një numër zyrtarësh shtetërorë dhe biznesmenësh janë arrestuar ose po hetohen për keqpërdorim të parave publike në AKSHI.
Hetimi ndaj Hysenit ka ngritur pikëpyetje edhe për sigurinë institucionale dhe kombëtare të Shqipërisë.
Para gjykatës dalin edhe dy persona të tjerë që po hetohen në kuadër të këtij hetimi, njëri punonjës i policisë gjyqësore dhe tjetri biznesmen. Ata janë dërguar në paraburgim.
Përplasje në Kuvend për rastin Hyseni
Ndërkohë, rasti i Hysenit ka shkaktuar përplasje edhe në Kuvendin e Shqipërisë.
Shumica parlamentare rrëzoi kërkesën e Partisë Demokratike për ndryshimin e rendit të ditës dhe zhvillimin e debatit për rastin e ish-drejtores së SHISH-it.
Pas këtij vendimi, deputetët e opozitës rrethuan foltoren, ndërsa seanca u ndërpre për disa minuta.
Seanca u ndërpre pas fjalës së kreut të Partisë Demokratike, Sali Berisha, i cili tha se Kuvendi nuk mund të diskutonte asnjë çështje tjetër pa trajtuar rastin e Hysenit.
Berisha kërkoi dorëheqjen e kryeministrit Edi Rama, duke e cilësuar situatën e krijuar pas hetimit ndaj ish-drejtores së SHISH-it si një çështje me pasoja të rënda për sigurinë kombëtare.
“Ky është parlamenti i Ergys Agasit”, deklaroi Berisha.
Ai pretendoi se emërimi i Hysenit në krye të SHISH-it ka dëmtuar rëndë sigurinë kombëtare dhe marrëdhëniet e Shqipërisë me shërbimet partnere.
“Ka rënë siguria kombëtare”, tha Berisha, duke kërkuar hetim të plotë të çështjes.
Berisha pretendoi gjithashtu se Hyseni e kishte pajisur “organizatën kriminale të Ergys Agasit” me mjete të sofistikuara që, sipas tij, ishin blerë me paratë e taksapaguesve shqiptarë ose ishin dhuruar nga partnerët për nevoja të sigurisë kombëtare.
“Siç rezulton [Vlora Hyseni] e ka pajisur organizatën kriminale të Ergys Agasit me mjetet më të sofistikuara. Aty në zyrë që krijoi [Agasi], të pajisur me të gjitha mjetet më të sofistikuara, të blera nga taksapaguesit shqiptarë ose dhuratë e partnerëve tanë për sigurinë kombëtare, për vëzhgimin e armiqve, janë përdorur për të gjitha qëllimet e ulëta të luftës brenda klaneve”, tha Berisha në Kuvend.
Pretendimet e tij nuk janë konfirmuar në informacionet e bëra publike deri tani për hetimin.
Para votimit, grupi parlamentar i PD-së kishte kërkuar që Kuvendi t’i kërkonte kryeministrit Rama informacione dhe shpjegime për emërimin e Hysenit në krye të SHISH-it dhe për veprimtarinë e saj gjatë drejtimit të institucionit.
“Kuvendi i Shqipërisë duhet të kërkojë urgjentisht nga kryeministri Edi Rama që të japë informacione dhe shpjegime mbi përzgjedhjen e shtetases Vlora Hyseni në këtë detyrë, duke pasur parasysh rekordet e saj problematike në Republikën e Kosovës, si dhe veprimtarinë e saj në drejtimin e Shërbimit Informativ Shtetëror, të debatojë mbi përgjegjësitë institucionale, si dhe të vlerësojë marrjen e masave të nevojshme për të parandaluar fenomene të tilla në të ardhmen”, thuhet në kërkesën e grupit të PD-së.
Demokratët kishin kërkuar që nga rendi i ditës të hiqeshin interpelancat e parashikuara me ministrin e Mjedisit dhe atë të Arsimit dhe të shtohej një pikë e re: “Kontroll dhe debat parlamentar me Kryeministrin Edi Rama lidhur me situatën në SHISH”.
Jashtë Kuvendit, dhjetëra qytetarë po protestojnë, ndërsa policia ka rrethuar perimetrin përreth ndërtesës për të mos lejuar afrimin e protestuesve.
Protesta është pjesë e tubimeve të përditshme kundër Qeverisë, por zhvillimet në SHISH dhe masa e sigurisë ndaj Hysenit janë kthyer në një nga temat kryesore të protestuesve.
Qeveria: Përgjegjësia penale është individuale
Para nisjes së seancës, ministri i Drejtësisë, Toni Gogu, u pyet nga gazetarët për përgjegjësinë politike të Qeverisë dhe shumicës lidhur me rastin Hyseni.
Gogu tha se përgjegjësia penale është individuale dhe se Qeveria e ka marrë përgjegjësinë politike duke e shkarkuar Hysenin nga drejtimi i SHISH-it dhe duke siguruar vazhdimësinë e institucionit me një drejtues të ri.
Ai theksoi se duhet pritur përfundimi i procesit për të kuptuar se çfarë ka ndodhur në institucion.
Opozita e ka lidhur çështjen edhe me marrëdhëniet e Shqipërisë me NATO-n, ndërsa ekspertët paralajmërojnë se, nëse do të konfirmohej komprometimi i informacionit të një aleati, mund të rishikohej shkalla e besimit dhe mekanizmat e shkëmbimit të informacionit.
NATO-ja nuk deshi të komentonte për rastin kur u pyet nga Radio Evropa e Lirë (REL).
Nga AKI-ja në krye të SHISH-it
Vlora Hyseni, e cila është me prejardhje nga Kosova, kishte drejtuar SHISH-in që nga viti 2023.
Më parë, ajo kishte shërbyer si zëvendësdrejtoreshë e Agjencisë së Kosovës për Inteligjencë (AKI).
Hyseni u shkarkua nga ky post në vitin 2021 nga presidentja e Kosovës, Vjosa Osmani, dhe kryeministri Albin Kurti.
Qeveria e Kosovës nuk dha hollësi për arsyet e shkarkimit. Në komunikatën e atëhershme thuhej se vendimi ishte mbështetur në Ligjin për AKI-në. Në të njëjtën komunikatë përmendej se “zbulimi ose mosruajtja e informacioneve të klasifikuara” përbënte vepër penale sipas legjislacionit në fuqi.
Pas largimit nga AKI-ja, Hyseni u bë këshilltare për sigurinë kombëtare e kryeministrit Edi Rama në shtator të vitit 2021.
Në vitin 2023, ajo u emërua drejtuese e SHISH-it në Shqipëri. Para dekretimit të saj, opozita shqiptare i kishte kërkuar presidentit Bajram Begaj të merrte informacione për arsyet e shkarkimit të Hysenit nga AKI-ja./REL
Vlora Hyseni TIRANË- Gjykata e Posaçme ka lënë në fuqi masën e sigurisë “arrest shtëpie” p&...
pamje nga aksidenti KRUJË- Një aksident i rëndë ka ndodhur në fshatin Bilaj të Krujës, ku një makinë ka dal&e...
Klodiana Lala TIRANË- Gazetarja Klodiana Lala, ka reaguar për sulmin verbal të bërë ndaj saj nga ish-shefja e Shërbimit Sekre...
foto ilustruese LEZHË- Një person është paraqitur në Spitalin Rajonal të Lezhës i plagosur me armë zjarri. B&...
Klodiana Lala TIRANË- Asociacioni i Gazetarëve të Shqipërisë (AGSH) ka dënuar sulmin e ish kreut të Shërbimit Infom...
Ilva Gjuzi TIRANË- Ndërkohë që Kuvendi është 'flakë' në deabte për skandalin e ish-shefes së SHISH, Vlor...
TIRANË- Situata është përshkallëzuar sërish në protestën afër Kuvendit. Gjatë përplasjeve, policia ka s...
Vlora Hyseni TIRANË- Ish-shefja e Shërbimit Informativ Shtetëror, Vlora Hyseni, gjatë mbërritjes në GJKK...
pamjet TIRANË- Një protestues ka humbur ndjenjat gjatë protestës para Kuvendit. Siç shihet edhe në pamje, të mo...
Edlira Muka BALFIN është një grup ndërkombëtar investimesh me aktivitet në 13 shtete, në Evropë dhe Amerikën e...
