Zbardhet identiteti i personit të plagosur me armë zjarri mesditën e sotme në fshatin Manati të Lezhës.
I plagosuri është Daniel Pikuli, i cili ndodhet në gjendje shumë të rëndë shëndetësore.
Pikuli ka marrë një plagë në pjesën e barkut dhe, pas marrjes së ndihmës së parë në Spitalin Rajonal të Lezhës, është transportuar drejt Spitalit të Traumës në Tiranë për trajtim të specializuar.
Sipas policisë, ngjarja ka ndodhur rreth orës 13:15, ndërsa rrethanat mbeten ende të paqarta.
“Rreth orës 13:15, në fshatin Manati, Lezhë, në rrethana ende të paqarta, është plagosur me armë zjarri shtetasi D. P., i cili është transportuar në Spitalin e Traumës, Tiranë, për ndihmë mjekësore. Shërbimet e Policisë janë në vendngjarje dhe vijojnë kontrollet për kapjen e autorit/ëve”,- thotë policia në njoftimin paraprak.
Grupi hetimor, nën drejtimin e Prokurorisë, vijon punën për zbardhjen e rrethanave të ngjarjes.
