Shtyhet gjyqi i Metës/ Avokati: Më kërcënon Maks Haxhia

Këtë të enjte është vendosur të shtyhet sërish gjyqi ndaj ish-presidentit Ilir Meta.

Mësohet se shkak për këtë vendim është bërë mungesa në seancë e një prej anëtarëve të trupit gjykues, Rudina Palloj.

Në seancën e sotme ishte i pranishëm edhe avokati i Ilir Metës, Bujar Musta.

I pyetur nga gjyqtari kryesues, Erjon Bani, Musta deklaroi arsyen përse nuk donte të përfaqësonte klientin, ndërsa qëndronte në sallë.

Musta tha para gjykatës se ndihej i kërcënuar se Dhoma Kombëtare e Avokatisë ka marrë dy vendime për bojkotin e seancave dhe se rrezikon heqjes e licencës në rast se mbron klientin e tij.

Kjo që ka ndodhur është një skandal dhe ka një vepër penale të bërë me vetëdije nga kryetari i Dhomës së Avokatisë, Maks Haxhia, një nga bashkëpunëtorët e ngushtë të trupës që mbron kryebashkiakun e arrestuar të Tiranës, Erion Veliaj, dhe familjarët e tij.

Mesa duket, avokatët duket se po kërcënohen me licencën e tyre, për interesat e Haxhisë, të lidhura me Veliajn dhe procesin e tij gjyqësor./CNA